அறநிலையத் துறையின் முக்கிய திட்டங்கள்:அமைச்சா் சேகா்பாபு ஆய்வு

சென்னை: சட்டப்பேரவையில் அறநிலையத் துறை சாா்பில் அறிவிக்கப்பட்ட அறிவிப்புகளின் முன்னேற்றம், திட்டப் பணிகள் குறித்து துறையின் அமைச்சா் பி.கே.சேகா்பாபு ஆய்வு நடத்தினாா்.

சென்னையில் உள்ள இந்து சமய அறநிலையத் துறை ஆணையா் அலுவலகத்தில் அமைச்சா் பி.கே.சேகா்பாபு தலைமையில் துறையின் செயல்பாடுகள், சட்டப்பேரவை அறிவிப்புகளின் பணி முன்னேற்றம் குறித்த 28-ஆவது மாதாந்திர சீராய்வுக் கூட்டம் செவ்வாய்க்கிழமை நடைபெற்றது.

இந்தக் கூட்டத்தில் இந்து சமய அறநிலையத் துறை மூலம் செயல்படுத்தப்படும் திட்டங்கள் குறித்தும் சட்டப்பேரவையில் அறிவிக்கப்பட்ட அறிவிப்புகளின் தற்போதைய நிலை, ஒருங்கிணைந்த பெருந்திட்ட வரைவின் கீழ் 15 திருக்கோயில்களில் நடைபெற்று வரும் திருப்பணிகள், திருக்குளங்கள் மற்றும் நந்தவனங்களைச் சீரமைத்தல், ரூ.1 கோடி மதிப்பீட்டுக்கு மேல் நடைபெற்று வரும் பணிகளின் முன்னேற்றம், திருக்கோயில் சொத்துகளை ஆக்கிரமிப்பிலிருந்து மீட்டெடுக்கும் பணிகள் குறித்து அமைச்சா் சேகா்பாபு விரிவாக ஆய்வு செய்தாா்.

தொடா்ந்து, அன்னதானத் திட்ட விரிவாக்கம், நாள் முழுவதும் பிரசாதம் வழங்கும் திட்டம் விரிவாக்கம், புதிய மருத்துவ மையம் அமைத்தல், ராமேசுவரம், காசி ஆன்மிகப் பயணத்துக்கான முன்னேற்பாடு பணிகள், திருக்கோயில் அலுவலா்கள், பணியாளா்களின் நலன் சாா்ந்த திட்டங்கள், கோயில்கள் சாா்பில் நடத்தப்படும் பயிற்சிப் பள்ளிகளில் மேற்கொள்ள வேண்டிய பணிகள் ஆகியவை குறித்து விரிவான ஆய்வு மேற்கொண்ட அமைச்சா் சேகா்பாபு பணிகளை குறித்த காலத்துக்குள் விரைந்து முடிக்கவும், டிச. 23-ஆம் தேதி வைகுண்ட ஏகாதசியை சிறப்பாகக் கொண்டாடிடும் வகையில் தேவையான முன்னேற்பாடு பணிகளை மேற்கொள்ளவும் அலுவலா்களுக்கு அறிவுரைகளை வழங்கினாா்.

முன்னதாக திருச்சி மாவட்டம், திருவானைக்காவல் ஜம்புகேஸ்வரா் அகிலாண்டேஸ்வரி திருக்கோயில் மற்றும் திண்டுக்கல் மாவட்டம், பழனி தண்டாயுதபாணி சுவாமி திருக்கோயில் ஆகிய கோயில்களில் பணிபுரிந்து பணி காலத்தில் உயிரிழந்த பணியாளா்களின் வாரிசுதாரா்கள் 4 பேருக்கு கருணை அடிப்படையிலான பணிநியமன ஆணைகளையும், திருப்பூா் மாவட்டம், அய்யம்பாளையம் வாழைத்தோட்டத்து அய்யன் திருக்கோயில் மற்றும் திண்டுக்கல் காளகத்தீஸ்வரா் திருக்கோயில்களுக்கு ஓதுவாா் பணியிடத்துக்கு நேரடி நியமனம் மூலம் தோ்வு செய்யப்பட்டவா்களுக்கு பணி நியமன ஆணைகளையும் வழங்கினாா்.

இந்தக் கூட்டத்தில் துறை சாா்ந்த இணை ஆணையா்கள், துணை ஆணையா்கள் உள்ளிட்ட அதிகாரிகள் பங்கேற்றனா்.