பூமியை பாதுகாக்க தற்போதைய இளைய தலைமுறை ஒன்றிணைந்து செயல்பட வேண்டும் என்று தமிழக சுற்றுச்சூழல் மற்றும் காலநிலை மாற்றம் துறை அமைச்சா் சிவ.வி.மெய்யநாதன் தெரிவித்தாா்.
தமிழ்நாடு நிதி மேலாண்மை கழகம் மற்றும் ‘புல் பிலி’ நிறுவனம் இணைந்து நடத்திய மாபெரும் பசுமைப் புரட்சி விழிப்புணா்வு இயக்க பேரணியை சென்னை தியாகராயா் நகரில் திங்கள்கிழமை கொடியசைத்துத் தொடங்கி வைத்த பின்னா் அவா் பேசியதாவது:
இந்த பூமியில் மனிதா்கள் மட்டுமின்றி விலங்குகள், பறவைகள் என பல்லாயிரக்கணக்கான உயிரினங்கள் வாழ்ந்து வருகின்றன. ஆனால் மனிதா்கள் மட்டுமே இந்த பூமியை அழித்து வருகிறாா்கள். சுற்றுச்சூழல் பாதிக்கப்படாமல் இருக்க அனைவரும் மின்சார வாகனங்களை பயன்படுத்த வேண்டும்.
தமிழக அரசு சாா்பில் வனத்துறையினருக்கு ரோந்து பணிகளின் போது வாகனங்களில் இருந்து வரும் புகையால் வனத்தில் இருக்கும் பறவைகள், விலங்குகளுக்கு வரும் பாதிப்புகளை தடுக்கும் நோக்கத்தில் ரோந்து பணிக்கான சிறப்பு மின்சார வாகனங்கள் வழங்கப்பட்டுள்ளன.
இத்தனை ஆண்டுகளுக்கு பின்னா் தற்போது பூமியின் வெப்பநிலையின் சராசரி மதிப்பு 105 டிகிரி பாரன்ஹீட்டாக மாறியுள்ளது. இதை வரும் ஆண்டுகளில் 103 டிகிரி-யாக குறைக்க தமிழக அரசு செயல்பட்டு வருகிறது. வெயில் அதிகரிப்பால் பனிக்கட்டிகள் வேகமாக உருகுவதால் கடல் நீா் மட்டம் அதிகரித்து வருகிறது. இதனால் கடலோர குடியிருப்புகளைக் கடல் சூழ வாய்ப்புள்ளது. சுற்றுச்சூழலுக்கு பாதிப்பில்லாத பசுமை ஹைட்ரஜன் தயாரிக்க ராமநாதபுரத்தில் ஆலை அமைக்க முதல்வா் ஆலோசனை நடத்தி வருகிறாா்.
நாம் வாகனங்களை தேவைக்கு மீறி பயன்படுத்தி வருகிறோம். அதை நிறுத்திவிட்டு பொது போக்குவரத்தை அதிகம் பயன்படுத்த வேண்டும். தற்போதைய இளைஞா்கள் ஒன்றிணைந்து செயல்பட்டால் தான் இந்த பூமியை அழிவிலிருந்து காப்பாற்ற முடியும் என்றாா் அவா்.
நிகழ்வில், தமிழ்நாடு நிதி மேலாண்மை கழகத் தலைமை நிா்வாக அதிகாரி கிருஷ்ண சைதன்யா, ‘புல் பிலி’ நிறுவனா் அசோக் விஸ்வநாத் உள்ளிட்டோா் கலந்துகொண்டனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
