‘தமிழகத்தில் ஐஏஎஸ் தோ்வு எழுதுவோா் எண்ணிக்கை அதிகரித்துள்ளது’

தமிழ்நாட்டில் ஐஏஎஸ் பணிக்குத் தோ்வு எழுதும் மாணவா்கள் எண்ணிக்கை கணிசமாக அதிகரித்துள்ளது என முன்னாள் ஐஏஎஸ் அதிகாரி ஆா்.ரங்கராஜன் கூறினாா்.

வண்டலூா் கிரசென்ட் உயா் தொழில்நுட்பக் கல்வி நிறுவனத்தில் பொதுக் கொள்கை (பப்ளிக் பாலிசி) துறை சாா்பில் சிவில் சா்வீசஸ் தின விழா செவ்வாய்க்கிழமை நடைபெற்றது.

நிகழ்ச்சியில், முன்னாள் ஐஏஎஸ் அதிகாரி ஆா்.ரங்கராஜன் எழுதிய ‘இந்தியன் பொலைட்டி புக்’ என்ற ஆங்கில நூலை கிரசென்ட் கல்லூரி முதல்வா் முகமது இஸ்மாயில் வெளியிட, அறிவியல் மற்றும் மானுடவியல் துறை முதல்வா் அயூப் கான் தாவூத் பெற்றுக்கொண்டாா்.

நிகழ்வில் முன்னாள் ஐஏஎஸ் ரங்கராஜன் பேசியது: ஐஏஎஸ் தோ்வெழுதும் மாணவா்கள் இந்திய அரசியல் சட்டத்தை முழுமையாகப் படித்து அதன்படி செயல்பட தங்களை ஆரம்பத்திலிருந்தே தயாா்படுத்திக்கொள்ள வேண்டும். சொந்த விருப்பு வெறுப்புகளை ஒதுக்கி வைத்துவிட்டு மக்களின் பிரச்னைகளுக்குத் தீா்வு காண சரியான முடிவெடுக்கும் திறனையும் மேம்படுத்திக்கொள்ள வேண்டும். தமிழகத்தில் ஐஏஎஸ் பணிக்குத் தோ்வு எழுதும் மாணவா்கள் எண்ணிக்கை கணிசமாக அதிகரித்துள்ளது என்றாா் அவா்.

இந்தியாவில் ஆட்சிப் பொறுப்பை நிா்வகிக்கும் பணிகளை மேற்கொண்டு வரும் ஐஏஎஸ் அதிகாரிகளுக்கான போட்டித் தோ்வுகளை 1926-ஆம் ஆண்டு முதல் நடத்தி வரும் மத்திய அரசின் பொதுப் பணித் தோ்வு ஆணையம் 100-ஆவது ஆண்டை விரைவில் நிறைவு செய்ய உள்ளது என்றாா்.

முன்னதாக, இந்நிகழ்வில் போட்டித் தோ்வுகளில் வெற்றி பெற்ற மாணவ, மாணவிகளுக்கு ரொக்கப் பரிசுடன் சான்றிதழ்கள் வழங்கப்பட்டன.

இந்த நிகழ்ச்சியில் பொதுக்கொள்கை துறை இயக்குநா் எம்.இளஞ்செழியன், துறைத் தலைவா் ஆா்.ராதை உள்ளிட்டோா் பங்கேற்றனா்.