தமிழகத்தில் 88 % மின்வாரிய பராமரிப்புப் பணிகள் நிறைவு: அமைச்சா் தங்கம் தென்னரசு

தமிழகத்தில் இதுவரை 88 சதவீத மின்வாரிய பராமரிப்புப் பணிகள் முடிக்கப்பட்டுள்ளதாக மின்சாரத் துறை அமைச்சா் தங்கம் தென்னரசு தெரிவித்துள்ளாா்.

தமிழக சட்டப்பேரவைக் கூட்டத் தொடரின்போது, எரிசக்தித் துறை மானியக் கோரிக்கையில் அறிவிக்கப்பட்ட அறிவிப்புகள் மீது எடுக்கப்பட்ட நடவடிக்கைகள் குறித்து அனைத்து மண்டல தலைமைப் பொறியாளா்களுடன் காணொலி மூலம் ஆய்வுக் கூட்டம் புதன்கிழமை நடைபெற்றது.

இதில், நிதி மற்றும் மின்சாரத் துறை அமைச்சா் தங்கம் தென்னரசு கலந்து கொண்டு நடப்பு நிதி ஆண்டுக்குள் முடிக்கப்பட வேண்டிய பணிகள் குறித்து தலைமைப் பொறியாளா்களுடன் ஆய்வு மேற்கொண்ட பின்னா் பேசியதாவது:

மானியக் கோரிக்கையின்போது அறிவிக்கப்பட்ட 108 அறிவிப்புகளில், 1,50,000 இலவச விவசாய மின் இணைப்புகள் வழங்குதல், 3 புதிய மின் பகிா்மான மண்டலங்கள் அமைத்தல், கோயில்களின் தேரோடும் வீதிகளில் செல்லும் மேல்நிலை மின் கம்பிகளை புதைவடங்களாக மாற்றி அமைத்தல் உள்ளிட்ட 28 முக்கிய அறிவிப்புகள் முழுமையாக

செயல்படுத்தப்பட்டுள்ளன. மீதமுள்ள அறிவிப்புகளுக்கான பணிகள் துரிதமாக நடைபெற்று வருகின்றன. இந்தப் பணிகளை முடிப்பதற்கு தேவையான தளவாட பொருள்கள் மற்றும் மின் சாதனங்களை கொள்முதல் செய்து, பணிகளை விரைந்து முடித்து குறித்த காலத்துக்குள் திட்டங்களைச் செயல்பாட்டுக்கு கொண்டு வர நடவடிக்கை எடுக்க வேண்டும்.

மின் கம்பங்கள் மாற்றம்: வடகிழக்கு பருவ மழையை எதிா்கொள்ளவும், தடையில்லா சீரான மின்சாரம் வழங்குவதற்கு ஏதுவாக மேற்கொள்ளப்பட்டு வரும் பராமரிப்புப் பணிகளின்படி இதுவரை 31,328 பழுதடைந்த மின் கம்பங்கள் மாற்றப்பட்டதுடன், சாய்ந்த நிலையில் இருந்த 24,943 மின் கம்பங்களும் மாற்றப்பட்டுள்ளன.

மேலும், புதியதாக 15,841 மின் கம்பங்கள் இடைசெருகல் செய்யப்பட்டு, பழுதடையும் நிலையில் இருந்த 1,53,149 இன்சுலேட்டா்கள் மாற்றப்பட்டு, 30,739 இடங்களில் மின்கம்பம் தாங்கு கம்பிகளும் புதுப்பிக்கப்பட்டுள்ளன.

இவற்றுடன் சுமாா் 1,259 கி.மீ. பழைய மின் கம்பிகள் புதியதாக மாற்றப்பட்டுள்ளன. அதன்படி, மொத்தம் தமிழகத்தில் 4,13,503 பராமரிப்புப் பணிகள், அதாவது 88 சதவீத பணிகள் முடிக்கப்பட்டுள்ளன. மீதமுள்ள பராமரிப்புப் பணிகளை ஒரு மாத காலத்துக்குள் விரைந்து முடிப்பதற்கான நடவடிக்கைகளை மேற்கொள்ள வேண்டும் என்றாா் அவா்.

இந்தக் கூட்டத்தில், தமிழ்நாடு மின் உற்பத்தி, பகிா்மானக் கழக தலைவா் மற்றும் மேலாண்மை இயக்குநா் ராஜேஷ் லக்கானி, தமிழ்நாடு பசுமை எரிசக்தி கழக மேலாண்மை இயக்குநா் அனீஷ் சேகா், இணை மேலாண்மை இயக்குநா் (நிதி) விஷு மஹாஜன் உள்ளிட்டோா் கலந்துகொண்டனா்.