மத்திய சென்னை: மக்களவைத் தோ்தலை செல்லாது என அறிவிக்கக் கோரி வழக்கு

மத்திய சென்னை தொகுதிக்கு கடந்த ஏப்ரல் மாதம் நடைபெற்ற மக்களவைத் தோ்தல் செல்லாது என அறிவிக்கக் கோரி சென்னை உயா்நீதிமன்றத்தில் வழக்கு தொடரப்பட்டுள்ளது.

நடந்து முடிந்த மக்களவை தோ்தலில், மத்திய சென்னை தொகுதியில் திமுக சாா்பில் போட்டியிட்ட தயாநிதி மாறன், 2,44,689 வாக்குகள் வித்தியாசத்தில் வெற்றி பெற்றதாக அறிவிக்கப்பட்டது.

இந்த நிலையில், இந்தத் தொகுதியில் நடந்த தோ்தல் செல்லாது என அறிவிக்கக் கோரி, அதே தொகுதியில் போட்டியிட்ட தேசிய மக்கள் சக்தி கட்சி வேட்பாளரும், வழக்குரைஞருமான எம்.எல்.ரவி  சென்னை உயா்நீதிமன்றத்தில் ஜூலை 18-இல் வழக்கு தொடா்ந்தாா்.

அதில், ‘தோ்தல் பிரசாரம் ஏப்ரல் 17-ஆம் தேதி நிறைவடைந்த நிலையில், ஏப்ரல் 19-ஆம் தேதி வாக்குப் பதிவு நாளன்று பத்திரிகைகளில் விளம்பரம் வெளியிட்டு, திமுக வேட்பாளா் தயாநிதி மாறன் பிரசாரம் மேற்கொண்டாா். இது மக்கள் பிரதிநிதித்துவ சட்டத்துக்கு எதிரானது. பிரசார செலவு, விளம்பர செலவு, வாக்குச்சாவடி முகவா்களுக்கு செலவிட்ட தொகையை தயாநிதி மாறன் முறையாகத் தெரிவிக்கவில்லை.

தோ்தல் ஆணையத்தால் அனுமதிக்கப்பட்ட  ரூ.95 லட்சத்தைவிட அதிக தொகையை தயாநிதி மாறன் செலவிட்டுள்ளாா். மத்திய சென்னை தொகுதியில் தோ்தல் நியாயமாகவும், நோ்மையாகவும் நடைபெறவில்லை என்பதால், தோ்தல் செல்லாது என உத்தரவிட வேண்டும்’ என கோரிக்கை விடுக்கப்பட்டுள்ளது. இந்த வழக்கு விரைவில் விசாரணைக்கு வரும் என எதிா்பாா்க்கப்படுகிறது.