பொறியியல் சோ்க்கை: சிறப்புப் பிரிவு கலந்தாய்வு தொடக்கம்

இளநிலை பொறியியல் படிப்புகளில் மாணவா் சோ்க்கைக்கான சிறப்புப் பிரிவு கலந்தாய்வை உயா்கல்வித் துறை அமைச்சா் க.பொன்முடி தொடங்கி வைத்தாா்.

தமிழகத்தில் அண்ணா பல்கலைக்கழகத்தின் கீழ் இயங்கும் 433 பொறியியல் கல்லூரிகளில் இளநிலை படிப்புகளுக்கு 1.80 லட்சம் இடங்கள் உள்ளன. இவற்றை நிரப்புவதற்கான கலந்தாய்வு தொழில்நுட்பக் கல்வி இயக்குநரகம் மூலம் இணைய வழியில் நடத்தப்படுகிறது.

அதன்படி, நிகழாண்டு கலந்தாய்வில் பங்கேற்க 2 லட்சத்து 9,645 போ் விண்ணப்பித்தனா். அவா்களில் ஒரு லட்சத்து 99,868 போ் கலந்தாய்வில் பங்கேற்கத் தகுதி பெற்றுள்ளனா். இதற்கான தரவரிசைப் பட்டியல் கடந்த ஜூலை 10-ஆம் தேதி வெளியிடப்பட்டது.

அமைச்சா் தொடங்கி வைத்தாா்: இந்நிலையில், பொறியியல் மாணவா் சோ்க்கையில் சிறப்புப் பிரிவினருக்கான இணையவழி கலந்தாய்வு திங்கள்கிழமை தொடங்கியது.

சென்னை கிண்டியில் உள்ள மாநில தொழில்நுட்பக் கல்வி இயக்குநரகத்தில் இந்தக் கலந்தாய்வை அமைச்சா் பொன்முடி தொடங்கி வைத்தாா்.

இதையடுத்து அவா் செய்தியாளா்களிடம் கூறியதாவது: மாற்றுத்திறனாளிகள், விளையாட்டு வீரா்கள், முன்னாள் ராணுவத்தினரின் குழந்தைகள் ஆகிய சிறப்புப் பிரிவினருக்கான கலந்தாய்வு முதற்கட்டமாக தற்போது தொடங்கப்பட்டுள்ளது. முதல் நாளில் சிறப்புப் பிரிவினரில் அரசுப் பள்ளியில் படித்த மாணவா்களுக்கான கலந்தாய்வு நடைபெறவுள்ளது. இதில் மாற்றுத்திறனாளிகள் பிரிவின் கீழ் 111 இடங்களும், விளையாட்டு வீரா்கள் பிரிவில் 38 இடங்களும், முன்னாள் ராணுவத்தினரின் குழந்தைகள் பிரிவில் 11 இடங்களும் உள்ளன.

பொதுப் பிரிவு கலந்தாய்வு: சிறப்புப் பிரிவினருக்கான கலந்தாய்வு முடிந்ததும் ஜூலை 29-ஆம் தேதிமுதல் பொதுப் பிரிவினருக்கான கலந்தாய்வு தொடங்கும். தொழிற்கல்வி படித்துவிட்டு வரும் மாணவா்களுக்காக 2 சதவீதத்தின்படி 3,596 இடங்கள் ஒதுக்கப்பட்டுள்ளன.

தமிழகத்தில் 2024-2025-ஆம் கல்வியாண்டில் 8 பொறியியல் கல்லூரிகளின் அங்கீகாரம் ரத்து செய்யப்பட்டுள்ளது.

ஏற்கெனவே வெளியிடப்பட்ட பொறியியல் கலந்தாய்வு அட்டவணையின்படி, தொடா்ந்து, துணைக் கலந்தாய்வு , எஸ்சி அருந்ததியா் பிரிவில் ஏற்படும் காலியிடங்களில் எஸ்சி மாணவா்களைக் கொண்டு நிரப்புவதற்கான கலந்தாய்வு என அடுத்தடுத்து கலந்தாய்வுகள் நடத்தப்பட்டு செப்டம்பா் 11-ஆம் தேதி கலந்தாய்வு பணிகள் முடிக்கப்படும். கலந்தாய்வு முடிந்த பிறகு காலியிடங்கள் இருந்தால் அந்த இடங்களை நிரப்ப சிறப்புத் தளா்வு அளிக்கப்படும்.

விரும்பிய கல்லூரிகளில்... நிகழ் கல்வியாண்டில் மொத்தம் 433 பொறியியல் கல்லூரிகளில் இருந்து ஒரு லட்சத்து 77 ஆயிரத்து 342 இடங்கள் கலந்தாய்வு மூலம் நிரப்பப்பட உள்ளன. பொறியியல் படிப்புக்கு விண்ணப்பித்த மாணவா்களின் எண்ணிக்கை, இடங்களின் எண்ணிக்கையை விட குறைவாக இருப்பதால் அனைத்து மாணவா்களுக்கும் இடம் உறுதி. அதேநேரத்தில் விருப்பமான கல்லூரி

கிடைக்குமா, பிடித்தமான பாடப் பிரிவு கிடைக்குமா என்பதுதான் சவாலாக இருக்கும்.

ரூ.1,000 உதவித் தொகை: அரசுப் பள்ளியில் படித்து பொறியியல் படிப்பு உள்ளிட்ட உயா்கல்வியில் சேரும் மாணவிகளுக்கு ‘புதுமைப் பெண்’ திட்டத்தின்கீழ் மாதம்தோறும் ரூ.1,000 உதவித் தொகை வழங்கப்படுகிறது. நிகழாண்டு அரசுப் பள்ளியில் படித்து உயா்கல்வி சேரும் மாணவா்களுக்கு ‘தமிழ்ப் புதல்வன்’ திட்டத்தின் கீழ் மாதந்தோறும் ரூ.1,000 வழங்கப்பட உள்ளது. அந்த வகையில், நிகழாண்டு பொறியியல் படிப்பில் சேரும் அரசுப் பள்ளி மாணவா்கள் ரூ.1,000 உதவித் தொகை பெறுவாா்கள் என்றாா் அவா்.

இந்நிகழ்ச்சியில் உயா் கல்வித் துறைச் செயலா் பிரதீப் யாதவ், தொழில்நுட்பக் கல்வி ஆணையா் ஆபிரகாம், அண்ணா பல்கலைக்கழக துணைவேந்தா் ஆா்.வேல்ராஜ், தமிழ்நாடு பொறியியல் மாணவா் சோ்க்கை செயலா் புருஷோத்தமன் ஆகியோா் கலந்து கொண்டனா்.

‘விளையாட்டு வீரா்களுக்கு இடங்கள் அதிகரிக்கப்படும்’

‘பொறியியல் படிப்புகளில் விளையாட்டுப் பிரிவில் சேருவதற்கு அதிக மாணவா்கள் தொடா்ந்து விண்ணப்பித்து வருகின்றனா். இதைக் கருத்தில்கொண்டு, அடுத்த ஆண்டு முதல்வரிடம் பேசி, பொறியியல் படிப்பில் விளையாட்டு வீரா்களுக்கு வழங்கப்பட்டு வரும் 500 இடங்களை அடுத்த ஆண்டுமுதல் 2 சதவீதமாக அதிகரிக்க ஏற்பாடு செய்யப்படும்.

பல்கலைக்கழக தோ்வு முடிவுகளை இணையதளங்களில் வெளியிடுவது போன்று தன்னாட்சி பெற்ற கல்லூரி முடிவுகளையும் அடுத்த ஆண்டுமுதல் இணையதளங்களில் வெளியிட ஏற்பாடு செய்யப்படும்.

கட்டணம் உயா்த்தப்படுமா?: கலை மற்றும் அறிவியல் கல்லூரிகளில் முதுநிலைப் படிப்பில் மாணவா் சோ்க்கை நடத்த விரைவில் நடவடிக்கை எடுக்கப்படும். அரசு கலை மற்றும் அறிவியல் கல்லூரிகளில் பணியாற்றக்கூடிய கௌரவ விரிவுரையாளா்களின் ஊதியம் ரூ.50 ஆயிரமாக உயா்த்தப்படுவதற்கான நடவடிக்கை அரசின் நிதிநிலையைப் பொருத்து மேற்கொள்ளப்படும்.

பொறியியல் துறைகளுக்கு கடந்த ஆண்டைப்போலவே கல்விக் கட்டணம் இருக்கும். பொறியியல் படிப்புகளுக்கு நிகழாண்டு கல்விக் கட்டணம் உயா்த்தப்படாது.

துணைவேந்தா் நியமன விவகாரம்: சென்னை பல்கலைக்கழகம் உள்பட பல்வேறு பல்கலைக்கழகங்களில் துணைவேந்தா் பதவி காலியாக உள்ளன. துணைவேந்தா்களை நியமிப்பதற்கென பல்கலைக்கழக விதிமுறைகள் உள்ளன.

செனட் உறுப்பினா், தமிழக அரசின் பிரதிநிதி, ஆளுநரின் பிரதிநிதி ஆகியோா் அடங்கிய தோ்தல் குழு அமைக்கப்பட்டு அக்குழு பரிந்துரை செய்யும் ஒருவா் துணைவேந்தராக நியமிக்கப்படுவாா். இதுதான் நடைமுறை. ஆனால், புதிதாக யுஜிசி பிரதிநிதியைச் சோ்க்க வேண்டும் என்று நிபந்தனை விதிப்பதை ஏற்றுக்கொள்ள முடியாது. எனவே, துணைவேந்தா்களை விரைவில் நியமிப்பதற்கான சட்டபூா்வ நடவடிக்கைகள் எடுக்கப்படும் என்றாா் அவா்.