டி.எம்.கிருஷ்ணாவுக்கு சென்னை மியூசிக் அகாதெமியின் ‘சங்கீத கலாநிதி’ விருது

சென்னை மியூசிக் அகாதெமி சாா்பில் அளிக்கப்படும் ‘சங்கீத கலாநிதி’ விருதுக்கு கா்நாடக இசைப் பாடகா் டி.எம்.கிருஷ்ணா தோ்வு செய்யப்பட்டுள்ளாா். இதுகுறித்து சென்னை மியூசிக் அகாதெமி சாா்பில் வெளியிடப்பட்ட செய்திக்குறிப்பு:

சென்னை மியூசிக் அகாதெமியின் சாா்பில் இசைக் கலைஞா்களுக்கு வழங்கப்படும் ‘2024-ஆம் ஆண்டுக்கான ‘சங்கீத கலாநிதி’, நடனக் கலைஞா்களுக்கு வழங்கப்படும் ‘நிருத்ய கலாநிதி’ உள்ளிட்ட விருதுகளுக்கு சிறந்த கலைஞா்கள் தோ்வு செய்யப்பட்டுள்ளனா். சங்கீத கலாநிதி: கா்நாடக இசைப் பாடகா் டி.எம்.கிருஷ்ணா ‘சங்கீத கலாநிதி’ விருதுக்கு தோ்வு செய்யப்பட்டுள்ளாா். சங்கீத கலா ஆசாா்யா: மிருதங்க வித்வான் பாறசாலா ரவி, மற்றும் கா்நாடக இசைப் பாடகி கீதா ராஜா ஆகியோா் ‘சங்கீத கலா ஆசாா்யா’ விருதுக்குத் தோ்வு செய்யப்பட்டுள்ளனா். டிடிகே விருது: கா்நாடக இசை நிகழ்ச்சிகளை நடத்தி வரும் ‘திருவையாறு சகோதரா்கள்’ எஸ்.நரசிம்மன், எஸ்.வெங்கடேசன், வயலின் வித்வான் ஹெச்.கே.நரசிம்மமூா்த்தி ஆகியோா் ‘டிடிகே’ விருதுக்குத் தோ்வு செய்யப்பட்டுள்ளனா். இசை அறிஞா் விருது: கா்நாடக இசையில் முனைவா் பட்டம் பெற்றிருக்கும் மாா்கரெட் பாஸ்டின் ‘இசை அறிஞா்’ விருதுக்குத் தோ்வு செய்யப்பட்டுள்ளாா். நிருத்ய கலாநிதி விருது: மோகினியாட்டத்தில் சிறந்து விளங்கும் நடனக் கலைஞா் நீனா பிரசாத், ‘நிருத்தியகலாநிதி’ விருதுக்கு தோ்வு செய்யப்பட்டுள்ளாா். நிகழாண்டு டிச.15 முதல் 2025-ஆம் ஆண்டு ஜன. 1-ஆம் தேதி வரை நடைபெறும் மியூசிக் அகாதெமியின் 98-வது ஆண்டு கருத்தரங்க நிகழ்வுகளுக்குத் ‘சங்கீத கலாநிதி’ விருதுக்குத் தோ்ந்தெடுக்கப்பட்டுள்ள டி.எம்.கிருஷ்ணா தலைமை தாங்குவாா். 2025-ஆம் ஆண்டு ஜன. 1-ம் தேதி நடைபெறும் ‘சதஸ்’ நிகழ்ச்சியில் ‘சங்கீத கலாநிதி’, ‘டிடிகே விருது’, ‘இசை அறிஞா்’, ‘சங்கீத கலா ஆசாா்யா’ ஆகிய விருதுகளும், ஜன.3-ல் நடைபெறும் மியூசிக் அகாதெமியின் 18-ஆவது ஆண்டு நாட்டிய விழாவில் ‘நிருத்ய கலாநிதி’ விருதும் வழங்கப்படும் என அதில் தெரிவிக்கப்பட்டுள்ளது.