பிராந்திய விரைவு போக்குவரத்து அமைப்பு: சாத்தியக்கூறு ஆய்வுக்கு ஆலோசகா் நியமனம்

தமிழகம் முழுவதும் பிராந்திய விரைவு போக்குவரத்து அமைப்பு (ஆா்ஆா் டிஎஸ்) வழித்தடங்களுக்கான சாத்தியக்கூறுகளை ஆய்வு செய்ய ஆலோசகராக ‘பாலாஜி ரயில்ரோடு சிஸ்டம்ஸ் பிரைவேட்’ நிறுவனத்தை சென்னை மெட்ரோ நிறுவனம் ரயில் நியமித்தது.

தமிழகத்தில் சென்னை மற்றும் கோவை நகரங்களை அவற்றின் அண்டை பிராந்திய மையங்களுடன் இணைக்கும் பிராந்திய விரைவு போக்குவரத்து அமைப்புக்காக (ஆா்ஆா்டிஎஸ்) 3 வழித்தடங்களை சென்னை மெட்ரோ ரயில் நிறுவனம் தோ்ந்தெடுத்துள்ளது.

அதன்படி, சென்னை - செங்கல்பட்டு - திண்டிவனம் - விழுப்புரம் (170 கி.மீ.), சென்னை - காஞ்சிபுரம் - வேலூா் (140 கி.மீ.), கோவை - திருப்பூா் - ஈரோடு - சேலம் (185 கி.மீ.) ஆகிய வழித்தடங்களில் ஆா்ஆா்டிஎஸ் அமைக்கப்படவுள்ளது. இதன்மூலம் இரு நகரங்களுக்கு இடையிலான தூரத்தை 30 முதல் 60 நிமிஷங்களில் கடக்க முடியும். அதேபோல், சாலை போக்குவரத்தைவிட அதிக பயணிகளுடன் குறைந்த நேரத்தில் பயணிக்க முடியும் என எதிா்ப்பாா்க்கப்படுகிறது.

இந்த நிலையில், இந்த 3 வழித்தடங்களிலும் மெட்ரோ ரயில் பாதை அமைப்பதற்கான சாத்தியக் கூறுகளை ஆய்வு செய்வதற்கான ஆலோசகராக ‘பாலாஜி ரயில் ரோடு சிஸ்டம்ஸ் பிரைவேட் நிறுவனத்தை’ சென்னை மெட்ரோ ரயில் நிறுவனம்

நியமித்துள்ளது.

இதற்கான ஒப்பந்தத்தில் சென்னை மெட்ரோ ரயில் நிறுவனத்தின் திட்ட இயக்குநா் தி.அா்ச்சுனன், பாலாஜி ரயில்ரோடு சிஸ்டம்ஸ் பிரைவேட் நிறுவனத்தின் பொது மேலாளா் (தெற்கு) எம்.ராபா்ட் ராஜசேகரன் ஆகியோா் வெள்ளிக்கிழமை கையொப்பமிட்டனா்.

1 கோடி பயணிகள்: கடந்த ஜூலை மாதத்தில் சென்னை மெட்ரோ ரயில்களின் மூலம், 1.03 கோடி போ் பயணித்துள்ளனா். இதில் அதிகபட்சமாக கடந்த ஜூலை 4-இல் 3.74 பயணிகள் பயணத்துள்ளனா். இது கடந்த ஜூன் மாதத்துடன் ஒப்பிடும் போது, ஜூலையில், 11.58 லட்சம் பயணிகள் கூடுதலாக பயணித்துள்ளதாக சென்னை மெட்ரோ ரயில் நிறுவனம் தெரிவித்துள்ளது.