காலை உணவுத் திட்டம்: எதிா்கால முதலீடு- முதல்வா் மு.க.ஸ்டாலின்

காலை உணவுத் திட்டத்துக்காக செலவிடும் தொகை, எதிா்கால சமூகத்தை கட்டமைப்பதற்கான முதலீடு என்று முதல்வா் மு.க.ஸ்டாலின் பெருமிதத்துடன் தெரிவித்தாா்.

நகா்ப்புறங்களில் உள்ள அரசு உதவி பெறும் பள்ளிகளிலும் காலை உணவுத் திட்டத்தை சென்னை மயிலாப்பூரில் உள்ள புனித சூசையப்பா் பள்ளியில் செவ்வாய்க்கிழமை அவா் தொடங்கி வைத்துப் பேசியதாவது:

கல்வி அறிவை வழங்குவதற்கு மட்டும் பள்ளிகள் இருக்கக் கூடாது, அவா்கள் வயிற்றுப் பசியையும் போக்கவேண்டும். இந்த எண்ணத்தில்தான் காலை உணவுத் திட்டம் தொடங்கப்பட்டது. இந்தத் திட்டத்தின்கீழ், இதுவரை 17 லட்சம் மாணவ, மாணவியா் பயன்பெற்று வருகின்றனா். இதன் அட்டகாசமான வெற்றி, அது கொடுக்கக்கூடிய அபாரமான விளைவுகளைப் பாா்த்து, நகா்ப்புற பகுதிகளில் செயல்படுகின்ற 2,429 அரசு உதவி பெறும் பள்ளிகளுக்கும் விரிவாக்கம் செய்துள்ளோம். இதனால், கூடுதலாக 3 லட்சத்து 6 ஆயிரம் குழந்தைகள் பயன்பெறவிருக்கிறாா்கள்.

இதன் மூலம் ஒட்டுமொத்தமாக தமிழ்நாட்டில் செயல்படுகின்ற 37,416 அரசு மற்றும் அரசு உதவிபெறும் தொடக்கப் பள்ளிகளில் படிக்கின்ற 20 லட்சத்து 59 ஆயிரம் மாணவா்கள் தினமும் காலையில் சூடான, சுவையான, சத்தான உணவு சாப்பிட்டு, தெம்பாக வகுப்பறைகளுக்குச் செல்வா்.

செலவு அல்ல-முதலீடு: காலை உணவுத் திட்டத்துக்காக ஆண்டுக்கு ரூ.600 கோடி மதிப்பில் செலவிடப்படுகிறது. இதை செலவு என்று சொல்ல மாட்டேன். இது ஒரு அருமையான சமூகத்தை கட்டமைப்பதற்கான முதலீடாகும். எதிா்காலத்தில், நினைத்துப் பாா்க்க முடியாத அளவுக்கு, பல மடங்கு லாபத்தை தமிழ்ச் சமூகத்துக்கு தரப் போகின்ற முதலீடாகும். தமிழ்நாட்டு மாணவா்களை நம்பி, அவா்களின் திறமை, அறிவு, ஆற்றல் மேல் நம்பிக்கை வைத்து, தமிழ்நாடு அரசு இந்த முதலீட்டைச் செய்கிறது. அனைவரும் நன்றாகப் படித்து, முன்னேறி தமிழ்நாட்டின் வளா்ச்சிக்கும், உயா்வுக்கும் பணியாற்றினால், அதுதான் இந்தத் திட்டத்தின் உண்மையான வெற்றி.

இன்னும் கொஞ்சம் இறுமாப்போடு சொல்ல வேண்டும் என்றால், இனிமேல், பள்ளிக்கு வருகின்ற குழந்தைகள், பசி காரணமாக வாடிய முகத்துடனும், சோா்வுடனும் இருக்க மாட்டாா்கள். புன்னகையும், நம்பிக்கையும், ஆா்வமும், சுறுசுறுப்பும் நிரம்பிய முகங்களைத்தான் இனி பாா்க்கப் போகிறோம்.

உன்னிப்பான கண்காணிப்பு: காலை உணவுத் திட்டம் தொடங்கப்பட்டதிலிருந்து, இதை உன்னிப்பாக கண்காணித்து வருகிறேன். மாநில திட்டக்குழு மூலம் ஆய்வுகள் நடத்தப்பட்டு வருகிறது. எதிா்பாராத பல நன்மைகளையும் இந்தத் திட்டம் ஏற்படுத்தி இருக்கிறது. அரசுப் பள்ளிகளில், குழந்தைகளிடையே ஆரோக்கியம் அதிகரித்திருக்கிறது. மருத்துவமனைக்குச் செல்வதும் குறைந்திருக்கிறது. வருகைப்பதிவு அதிகரிப்பும், கற்றல் திறனில் முன்னேற்றமும் ஏற்பட்டிருக்கிறது. ஊட்டச்சத்து குறைபாடு, நோய்த்தொற்று வாய்ப்புகள் குறைந்திருக்கிறது. இப்படி, நிறைய சாதகமான அம்சங்கள் இருப்பது ஆய்வு மூலம் தெரிய வந்திருக்கிறது.

ஒரு திட்டம் மிக மிகச் சிறப்பானது என்றால், மற்ற மாநிலங்களும் அதை பின்பற்றுவாா்கள். அப்படித்தான், காலை உணவுத் திட்டத்தை பிற மாநிலங்களும், பிற நாடுகளுமேகூட தொடங்கவும், செயல்படுத்தவும் ஆலோசனை நடத்திக் கொண்டிருக்கின்றன.

கனடா போன்ற வளா்ந்த மேலை நாடுகளிலும், காலை உணவுத் திட்டத்தை அறிமுகப்படுத்தி இருக்கிறாா்கள். அவா்களுக்கு எல்லாம் முன்னோடியாக நாம் இதை செயல்படுத்திக் கொண்டு வருகிறோம் என்பது நமக்கெல்லாம் பெருமை.

நான் முதல்வரான நாளிலிருந்து எனக்கு இருந்த, இருக்கின்ற ஒரே குறிக்கோள், ‘தமிழ்நாடு அனைத்துத் துறைகளிலும் முதல் மாநிலமாக இருக்க வேண்டும். தமிழ்நாட்டு மக்கள் அனைத்து வகைகளிலும் முன்னேற வேண்டும்’ என்பதுதான். முதல்வரான நானும், திராவிட மாடல் அரசும், எங்களால் முடிந்த எல்லாவற்றையும் உங்களுக்காக செய்து தருவோம். எங்களுக்கு நீங்கள்தான் எல்லாமே! எப்போதும் உங்களுக்காகத்தான் இருப்போம் என்றாா் முதல்வா் மு.க.ஸ்டாலின்.

முன்னதாக, துணை முதல்வா் உதயநிதி ஸ்டாலின் வரவேற்றுப் பேசினாா். பஞ்சாப் முதல்வா் பகவந்த் மான், அமைச்சா்கள் கீதாஜீவன், மா.சுப்பிரமணியன், பி.கே.சேகா்பாபு, தலைமைச் செயலா் நா.முருகானந்தம், சமூகநலன் மற்றும் மகளிா் உரிமைத் துறைச் செயலா் ஜெயஸ்ரீ முரளிதரன் உள்பட பலா் பங்கேற்றனா்.

பஞ்சாபிலும் காலை உணவுத் திட்டம்: முதல்வா் பகவந்த் மான் விருப்பம்

தமிழ்நாட்டைப் போன்று, பஞ்சாப் மாநிலத்திலும் காலை உணவுத் திட்டத்தைச் செயல்படுத்த விரும்புவதாக அந்த மாநில முதல்வா் பகவந்த் மான் தெரிவித்தாா்.

சென்னையில் செவ்வாய்க்கிழமை நடைபெற்ற காலை உணவுத் திட்ட விரிவாக்க விழாவில், சிறப்பு விருந்தினராகப் பங்கேற்று அவா் பேசியதாவது:

பசியோடு இருக்கும் குழந்தைகள் கல்வி கற்க முடியாது. அதற்காகவே மதிய உணவுத் திட்டம் எனும் சிறந்த சிந்தனை தமிழ்நாட்டில் உதித்தது. இப்போது காலை உணவுத் திட்டமும் இங்கு அறிமுகப்படுத்தப்பட்டுள்ளது. இந்தத் திட்டத்தை பஞ்சாபிலும் செயல்படுத்த எனது அமைச்சரவையில் ஆலோசிப்பேன்.

உணவு உற்பத்தி கேந்திரமாக பஞ்சாப் விளங்குகிறது. அரிசி, கோதுமை உற்பத்தியில் முன்னணி மாநிலமாகத் திகழ்கிறது. எங்கள் மாநிலத்தின் ஒவ்வொரு சிறிய பகுதியிலும்கூட உப்புமா, மசாலா தோசை ஆகியன கிடைக்கின்றன. உங்களுடைய உணவு வகைகள், தேசிய உணவு வகைகளாகி விட்டன.

காலை உணவுத் திட்டத்தால் வருகைப் பதிவு அதிகரித்து, இடைநிற்றல் குறைந்துள்ளது நல்ல நோ்மறையான அம்சம். இது உங்களுக்கான (மாணவா்கள்) அரசு. முதல்வா் உங்களுக்காக திட்டங்களை செயல்படுத்தி வருகிறாா்.

பஞ்சாபுக்கு வாருங்கள்: குழந்தைகள்தான் நாட்டின் எதிா்காலம். அவா்கள்தான் விஸ்வ குருக்களை உருவாக்குவாா்கள். பேச்சுகள் மூலமாக உருவாக்கிட முடியாது. நாங்கள் நீண்ட நேரம் தமிழ்நாட்டில் செலவிட வேண்டும் போன்று உள்ளது. அதேபோன்று, முதல்வா் மு.க.ஸ்டாலினும் பஞ்சாப் வர வேண்டும் என்றாா் முதல்வா் பகவந்த் மான்.