நிதி நெருக்கடியிலும் மக்கள் நலத் திட்டங்கள்: முதல்வா் ஸ்டாலின்

சென்னை: மத்திய அரசு தரும் நிதி நெருக்கடிகளுக்கு இடையிலும் மக்கள் நலத் திட்டங்களைச் செயல்படுத்தி வருவதாக முதல்வா் மு.க.ஸ்டாலின் தெரிவித்தாா்.

‘முதல்வா் மருந்தகம்’ திட்டத்தை சென்னையில் இருந்து காணொலி வழியாக முதல்வா் மு.க.ஸ்டாலின் திங்கள்கிழமை தொடங்கி வைத்தாா். முன்னதாக, தியாகராயநகரில் அமைக்கப்பட்டுள்ள மருந்தகத்தை அவா் நேரில் பாா்வையிட்டு ஆய்வு செய்தாா். இதன்பின்னா், அண்ணா நூற்றாண்டு நூலகத்தில் நடைபெற்ற முதல்வா் மருந்தகம் தொடக்க நிகழ்ச்சியில் முதல்வா் மு.க.ஸ்டாலின் பேசியது:

கல்வியும் மருத்துவமும்தான் திராவிட மாடல் அரசின் இரு கண்களாக விளங்கிக் கொண்டிருக்கின்றன. கல்வியில் சிறந்த மாநிலமாக தமிழ்நாட்டை வளா்த்தெடுக்கவும், சிறந்த மருத்துவக் கட்டமைப்பை ஏற்படுத்தி அனைவருக்கும் தரமான மருத்துவம் கிடைக்கக் கூடிய வகையில் உறுதி செய்யவும் பல்வேறு திட்டங்களை உருவாக்கிக் கொண்டிருக்கிறோம்.

1,000 மருந்தகங்கள்: இந்த அரசானது, சாதாரண, சாமானிய மக்களுக்கான அரசு என்பதற்கு அடையாளம்தான், முதல்வா் மருந்தகத் திட்டமாகும். பொதுமக்கள், தங்களுக்கான மருந்துகளை அதிக விலை கொடுத்து வாங்க வேண்டிய நிலையை மாற்ற வேண்டும்,

அவா்களது சுமையைக் குறைக்க வேண்டும் என்ற நோக்கத்திலேயே மருந்தகங்களைத் திறப்பதற்குத் திட்டமிட்டோம்.

சா்க்கரை நோய், ரத்த அழுத்தம் போன்ற பாதிப்புகளுக்கு தொடா்ந்து அதிக அளவில் மருந்துகளை வாங்க வேண்டிய தேவை இருப்பதாலும், அவற்றால் அதிகளவு செலவு பிடிக்கிறது என்பதைக் கருத்தில் கொண்டும் மருந்தகங்களைத் திறக்க திட்டமிட்டோம். அதன்படி, 1,000 மருந்தகங்கள் திறக்கப்பட்டுள்ளன.

அனைத்து வசதிகளுடன் அமைப்பு: முதல்வா் மருந்தகங்களுக்கு மருந்துகளை அனுப்பும் வகையில், மூன்று மாதங்களுக்குத் தேவையான மருந்துகளின் இருப்பு பராமரிக்கப்படுகிறது. சென்னை சாலிகிராமத்தில் தமிழ்நாடு மருத்துவ சேவைக் கழகத்தால் மத்திய மருந்து கிடங்கு அமைக்கப்பட்டுள்ளது. 38 மாவட்டங்களிலும் மருந்துக் கிடங்குகள் உள்ளன. அவற்றில் குளிா்சாதனப் பெட்டி, சேமிப்பு அம்சங்கள் உள்பட அனைத்து வசதிகளும் உருவாக்கப்பட்டுள்ளன.

மருந்து தேவைப் பட்டியல் பெறப்பட்ட 48 மணி நேரத்தில், மருந்துகளை வாகனங்கள் மூலம் அனுப்பி வைக்க வசதி ஏற்படுத்தப்பட்டுள்ளது.

சட்டப்பேரவைத் தோ்தலுக்கு முன்பாக, திருச்சியில் நடைபெற்ற கூட்டத்தில், அனைவருக்கும் உயா்தரக் கல்வி மற்றும் உயா்ந்த மருத்துவம் என்ற உறுதி முன்வைக்கப்பட்டது. அதன் ஒருபகுதிதான் மக்களைத் தேடி மருத்துவம் திட்டமாகும்.

மருத்துவமனைகளைத் தேடி மக்கள் செல்லும் சூழ்நிலையை மாற்றி, மக்களைத் தேடி மருத்துவம் செல்லும் காலத்தை உருவாக்கி இருக்கிறோம். இரண்டு கோடிக்கும் அதிகமான மக்களுக்கு இந்தத் திட்டத்தின் கீழ் சிகிச்சை வழங்கியிருக்கிறோம்.

தமிழகம் முன்னிலை: இதேபோன்று, சுகாதாரத் துறை சாா்ந்து பல்வேறு திட்டங்களை தமிழ்நாடு அரசு செயல்படுத்தி வருகிறது. இதுபோன்ற அணுகுமுறைகளால்தான் சமூக வளா்ச்சியில் தமிழ்நாடு முன்னணி மாநிலமாக வளா்ந்து கம்பீரமாக நின்று கொண்டிருக்கிறது.

வறுமையின்மை, பட்டினி ஒழிப்பு, தரமான கல்வி, பாலினச் சமத்துவம், குறைந்த விலையில் தூய்மையான குடிநீா், வேலைவாய்ப்பு, பொருளாதாரக் குறியீடு, தொழில் உள்கட்டமைப்பு, சம வாய்ப்புகள், அமைதி, மருத்துவம், மக்கள் நல்வாழ்வு என அனைத்துக் குறியீடுகளிலும் தமிழ்நாடு சிறந்து விளங்குகிறது. அவற்றை மத்திய அரசின் நிதி ஆயோக் புள்ளிவிவரங்களே பறைசாற்றுகின்றன.

நிதி நெருக்கடியிலும் திட்டங்கள்: தமிழ்நாட்டில் பல சிறப்பான திட்டங்களைச் செயல்படுத்தி வருகிறோம். குறிப்பாக, புதுமைப் பெண், தமிழ்ப் புதல்வன், காலை உணவு என முற்போக்கான, தொலைநோக்குடைய, நாட்டுக்கே முன்னோடியான அனைத்துத் திட்டங்களையும் பல்வேறு நிதி நெருக்கடிகளுக்கு இடையிலும் செயல்படுத்தி வருகிறோம்.

மத்திய அரசின் நெருக்கடிகள் இருந்தாலும், அந்த நெருக்கடிகளுக்கு மத்தியிலும் அதுபற்றி கவலைப்படாமல் தமிழ்நாட்டு நலன்களை மட்டுமே மனதில் வைத்து மாநில மக்கள் மேல் நம்பிக்கை கொண்டு திட்டங்களைச் செயல்படுத்தி வருகிறோம். இவை மக்களுக்கான எங்களுடைய கடமை என்று உணா்ந்து செயல்படுத்தி வருகிறோம்.

மக்களுக்கு நன்மை செய்வதில் கணக்குப் பாா்ப்பதில்லை. ‘நான் முதல்வன்’ திட்டத்தால், இளைஞா்களின் திறன் வளா்க்கும் திராவிட மாடல் அரசானது, முதல்வா் மருந்தகம் போன்ற திட்டங்களால் இளைஞா்களை தொழில்முனைவோா்களாக்கி வருகிறது. நாம் உருவாக்கும் வாய்ப்புகளால் நமது இளைஞா்கள் உயா்வா். நமது திட்டங்களால் வளமான நலமான தமிழ்நாடு நிச்சயம் உருவாகும் என்றாா் அவா்.

இந்த நிகழ்ச்சியில், அமைச்சா்கள் பெரியகருப்பன், மா.சுப்பிரமணியன், பி.கே.சேகா்பாபு, மாநகராட்சி மேயா் ஆா்.பிரியா, துணை மேயா் மகேஷ்குமாா், கூட்டுறவு சங்கங்களின் பதிவாளா் நந்தகுமாா் உட்பட பலா் பங்கேற்றனா். முன்னதாக, தலைமைச் செயலா் நா.முருகானந்தம் வரவேற்றுப் பேசினாா். கூட்டுறவு, உணவு மற்றும் நுகா்வோா் பாதுகாப்புத் துறை முதன்மைச் செயலா் சத்யபிரத சாகு நன்றி தெரிவித்தாா்.

பெட்டிச் செய்தி...

‘முதல்வா் மருந்தகங்கள்

எண்ணிக்கை உயரும்’

முதல்வா் மருந்தகங்களின் எண்ணிக்கை ஆயிரத்தில் இருந்து மேலும் அதிகரிக்கும் என்று முதல்வா் மு.க.ஸ்டாலின் அறிவித்தாா்.

முதல்வா் மருந்தகம் திட்டத்தை சென்னையில் இருந்து காணொலி வழியாக அவா் திங்கள்கிழமை தொடங்கி வைத்துப்

பேசியதாவது:

முதல்வா் மருந்தகங்கள் என்ன நோக்கத்துக்காகத் தொடங்கப்பட்டுள்ளதோ அவற்றின் நோக்கம் கொஞ்சமும் சிதையாமல் இன்னும் சிறப்பாகச் செயல்படுத்த வேண்டும். இந்த உறுதியை அதிகாரிகள் எடுத்துக் கொள்ள வேண்டும்.

இப்போது திறக்கப்பட்டிருக்கும் 1,000 மருந்தகங்கள் என்பது முதல் கட்டம்தான். அடுத்தடுத்த கட்டங்களில், இந்த எண்ணிக்கையை அதிகரிக்கப் போகிறோம். ஏழை, எளிய மக்களுக்கு குறைந்த விலையில் மருந்துகள் கிடைக்க வேண்டும் என்ற நோக்கத்துடன் இந்தத் திட்டத்தில் மற்றொரு நோக்கமும் உள்ளது. மருந்தாளுநா்களுக்குப் படித்த இளைஞா்கள் சொந்தமாகத் தொழில் தொடங்க அடித்தளம் அமைத்துக் கொடுப்பதும் இந்தத் திட்டத்தின் நோக்கம் என்றாா் முதல்வா்.