வால்பாறை அதிமுக எம்எல்ஏ அமுல் கந்தசாமி காலமானார்!

கோவை மாவட்டம், வால்பாறை (தனி) தொகுதியின் அதிமுக எம்எல்ஏ டி.கே.அமுல் கந்தசாமி (60) சனிக்கிழமை காலமானாா்.

உடல்நலக் குறைவு காரணமாக கடந்த சில மாதங்களாக சிகிச்சை பெற்று வந்த அமுல் கந்தசாமி, கோவையில் உள்ள தனியாா் மருத்துவமனையில் சனிக்கிழமை காலமானாா். இவருக்கு கலைச்செல்வி என்ற மனைவியும், சுபநிதி என்ற மகளும் உள்ளனா்.

கோவை மாவட்டம் அன்னூா், ஒட்டா்பாளையம் ஜீவா நகரில் வசித்து வந்த அமுல் கந்தசாமி, கடந்த 1980 -ஆம் ஆண்டு அதிமுகவில் அடிப்படை உறுப்பினராக இணைந்தாா். மாணவரணி மாவட்டச் செயலா், இளைஞரணி மாவட்டச் செயலா், கவுண்டம்பாளையம் தொகுதி பொதுக்குழு உறுப்பினா் போன்ற பொறுப்புகளை வகித்துள்ளாா்.

கடந்த 2011 முதல் 2021 வரை அன்னூா் பகுதி மாவட்ட கவுன்சிலராகவும், ஊராட்சிக் குழு துணைத் தலைவராகவும் பதவி வகித்துள்ளாா். தற்போது எம்ஜிஆா் இளைஞரணி துணைச் செயலராக இருந்து வந்தாா். 2021- ஆம் ஆண்டு சட்டப் பேரவைத் தோ்தலில் வால்பாறை (தனி) தொகுதியில் அதிமுக சாா்பில் போட்டியிட்ட இவா், தன்னை எதிா்த்து போட்டியிட்ட இந்திய கம்யூனிஸ்ட் வேட்பாளா் எம்.ஆறுமுகத்தை 12,223 வாக்குகள் வித்தியாசத்தில் தோற்கடித்து எம்எல்ஏ ஆனாா்.

எடப்பாடி கே.பழனிசாமி அஞ்சலி:

உடல்நலக் குறைவால் உயிரிழந்த வால்பாறை சட்டப் பேரவை உறுப்பினா் அமுல் கந்தசாமி உடல் கோவை, அன்னூா் ஜீவா நகரில் உள்ள இல்லத்துக்கு கொண்டுவரப்பட்டது. அங்கு அதிமுக பொதுச் செயலாளா் எடப்பாடி கே.பழனிசாமி அஞ்சலி செலுத்தியதுடன், அவரது குடும்பத்தினருக்கு ஆறுதல் கூறினாா்.

முன்னாள் அமைச்சா்கள் எஸ்.பி. வேலுமணி, செங்கோட்டையன், உடுமலை கே.ராதாகிருஷ்ணன், சட்டப் பேரவை உறுப்பினா்கள் பி.ஆா்.ஜி. அருண்குமாா், பொள்ளாச்சி வி. ஜெயராமன், ஏ.கே. செல்வராஜ், கே.ஆா்.ஜெயராம், சூலூா் கந்தசாமி, அம்மன் கே.அா்ச்சுணன், கட்சி நிா்வாகிகள், தொண்டா்கள், பொதுமக்கள் உள்ளிட்டோா் அஞ்சலி செலுத்தினா்.

இதையடுத்து, அன்னூரில் உள்ள மின் மயானத்தில் அமுல் கந்தசாமியின் உடல் இரவு தகனம் செய்யப்பட்டது. தொடா்ந்து, அனைத்துக் கட்சிகள் சாா்பில் இரங்கல் கூட்டம் நடைபெற்றது.

தேனிலவு கொலை: சோனத்திடம் ராஜா ரகுவன்ஷி தாய் எழுப்பும் 4 கேள்விகள்!