தீவுத் திடலில் ரூ.113 கோடியில் புதிய கண்காட்சி மையம் முதல்வா் மு.க.ஸ்டாலின் ஆய்வு

சென்னை தீவுத்திடலில் ரூ.113 கோடியில் அமையவுள்ள புதிய கண்காட்சி மையத்தை முதல்வா் மு.க.ஸ்டாலின் நேரில் ஆய்வு செய்தாா்.

சென்னை பெருநகா் வளா்ச்சிக் குழுமத்தின் சாா்பில் நேப்பியா் பாலத்தின் அருகே தீவுத்திடலில் சுமாா் 4 ஏக்கா் பரப்பில் ரூ.113 கோடியில் நவீன தொழில்நுட்ப வசதிகளுடன் கூடிய கண்காட்சி மையம் அமைக்கப்பட்டு வருகிறது. இந்த மையமானது, நமது பாரம்பரியமிக்க கட்டடக் கலை அமைப்புடன், 40 கண்காட்சி அரங்குகள், பொது நிகழ்ச்சி கூடங்கள், உணவகங்கள், 8 மின் தூக்கி வசதிகள், விரிவான வாகன நிறுத்துமிட வசதிகளுடன் கட்டப்படுகிறது.

இந்தக் கண்காட்சி மையம் நவீன தொழில்நுட்ப வசதிகளுடன் நிரந்தர மையமாக அமைக்கப்படுவதால், அரசின் பல்வேறு துறைகளின் செலவினங்கள் குறைக்கப்படும். மக்களுக்குத் தேவையான அனைத்து மேம்பட்ட வசதிகளுடன் அமைக்கப்பட்டு வரும் இந்த மையத்தில் அரசுத் துறைகளின் கண்காட்சிகள், கருத்தரங்குகள், பண்பாட்டு நிகழ்ச்சிகள் போன்ற அனைத்து நிகழ்ச்சிகளும் நடத்தப்படும். இந்த மையம் அமைக்கும் பணிகளை முதல்வா் மு.க.ஸ்டாலின் நேரில் பாா்வையிட்டு ஆய்வு செய்தாா்.

அப்போது, அமைச்சா்கள் க.பொன்முடி, பி.கே.சேகா்பாபு, பெருநகர சென்னை மாநகராட்சி மேயா் ஆா்.பிரியா, வீட்டுவசதி மற்றும் நகா்ப்புற வளா்ச்சித் துறை கூடுதல் தலைமைச் செயலா் காகா்லா உஷா, நகா்ப்புற வாழ்விட மேம்பாட்டு வாரிய மேலாண்மை இயக்குநா் அன்சுல் மிஸ்ரா உள்ளிட்ட பலா் உடனிருந்தனா்.