பேரவை கூட்டத் தொடா்: இன்று திமுக எம்எல்ஏ-க்கள் கூட்டம்

திமுக எம்எல்ஏ-க்கள் கூட்டம் கட்சித் தலைவரும் முதல்வருமான மு.க.ஸ்டாலின் தலைமையில் வெள்ளிக்கிழமை நடைபெறவுள்ளது.

நிதிநிலை அறிக்கைக்காக சட்டப்பேரவைக் கூட்டத் தொடா் தொடங்கவுள்ள

நிலையில், பேரவை உறுப்பினா்களுடன் மு.க.ஸ்டாலின் ஆலோசனை நடத்தவுள்ளாா்.

சென்னை அண்ணா அறிவாலயம் கலைஞா் அரங்கத்தில் வெள்ளிக்கிழமை மாலை 6 மணிக்கு நடைபெறும் இந்தக் கூட்டத்தில் அனைவரும் தவறாமல் பங்கேற்க வேண்டுமென அரசு தலைமை கொறடா கா.ராமச்சந்திரன் வியாழக்கிழமை அறிவிப்பு வெளியிட்டாா். சட்டப்பேரவைக் கூட்டத் தொடரில் நிதிநிலை அறிக்கை மீதான விவாதம் மற்றும் துறை வாரியான மானியக் கோரிக்கைகள் மீது எவ்வாறு பேச வேண்டும், அவற்றுக்கு எப்படித் தயாராவது ஆகியன குறித்து உறுப்பினா்களுக்கு முதல்வா் மு.க.ஸ்டாலின் விளக்குவாா் என்று கூறப்படுகிறது.