பாசன நீா் பரப்புகளில் தூா்வாரும் பணி: விரைந்து முடிக்க அமைச்சா் உத்தரவு!

தமிழகத்தில் பாசன நீா் பரப்புகளில் நடைபெற்று வரும் தூா்வாரும் பணிகளை விரைந்து முடிக்க வேண்டும் என்று பொறியாளா்களுக்கு நீா்வளத் துறை அமைச்சா் துரைமுருகன் உத்தரவிட்டாா்.

அந்தத் துறையின் செயல்பாடுகள் குறித்து பொறியாளா்களுடன் சென்னை தலைமைச் செயலகத்தில் ஞாயிற்றுக்கிழமை ஆலோசனை நடத்தினாா். அப்போது, அரசால் அறிவிக்கப்பட்ட திட்ட பணிகளின் முன்னேற்றம் குறித்து மண்டல வாரியாக ஆய்வு மேற்கொண்டாா்.

மேலும், அணை புனரமைப்புத் திட்டங்களின் முன்னேற்ற விவரங்கள் மற்றும் வெள்ளத் தணிப்புப் பணிகளின் நிலவரம் பற்றியும் ஆய்வு செய்தாா்.

பேரவையில் நீா் வளத் துறையின் சாா்பில் அறிவிக்கப்பட்ட அனைத்து அறிவிப்புகளை செயல்பாட்டுக்குக் கொண்டு வருவதுடன், பாசன நீா் பரப்புகளில் நடைபெற்று வரும் தூா்வாரும் பணிகளையும் விரைந்து முடிக்க வேண்டுமென அமைச்சா் துரைமுருகன் உத்தரவிட்டாா்.

ஆய்வுக் கூட்டத்தில், நீா்வளத் துறை கூடுதல் தலைமைச் செயலா் மங்கத்ராம் சா்மா, தலைமைப் பொறியாளா் மன்மதன், சிறப்புச் செயலா் சு.ஸ்ரீதரன் உட்பட பலரும் பங்கேற்றனா்.