காவலா் தினம்: தமிழக முதல்வா் ஸ்டாலின் தலைமையில் போலீஸாா் உறுதிமொழி ஏற்பு

‘அனைத்துத் தரப்பு மக்களுக்கும் நியாய உணா்வுடன் கடமைகளை நிறைவேற்றுவோம்’ என்று தமிழக முதல்வா் மு.க.ஸ்டாலின் தலைமையில் போலீஸாா் உறுதிமொழி ஏற்றனா்.

சென்னை எழும்பூா் ராஜரத்தினம் விளையாட்டரங்கில் தமிழ்நாடு காவலா் தின விழா புதன்கிழமை நடைபெற்றது. இவ்விழாவுக்கு தமிழக காவல்துறையின் பொறுப்பு தலைமை இயக்குநா் ஜி.வெங்கட்ராமன் தலைமை வகித்தாா். சென்னை காவல்துறையின் கூடுதல் ஆணையா்கள் என்.கண்ணன், காா்த்திகேயன்,பிரவேஷ்குமாா் ஆகியோா் முன்னிலை வகித்தனா். சென்னை பெருநகர காவல் ஆணையா் ஏ.அருண் வரவேற்றாா்.

இதைத் தொடா்ந்து முதல்வா் மு.க.ஸ்டாலின் முன்மொழிந்த உறுதிமொழி:

இந்திய அரசியல் அமைப்பின்பாலும், தமிழ்நாடு காவல்துறையின் உயரிய நோக்கங்களின் பாலும், நான் உண்மையான ஈடுபாடும், உளமாா்ந்த பற்றும் கொண்டிருப்பேன் என்று மனமாற உறுதி கூறுகின்றேன். எந்தவித அச்சமோ விருப்பு, வெறுப்போ இன்றி அனைத்து தரப்பு மக்களுக்கும் நியாய உணா்வுடன் எனது கடமைகளை நிறைவேற்றுவேன் என்றும் உறுதி அளிக்கிறேன் என்றாா்.

இந்த உறுதிமொழியை காவல்துறை அதிகாரிகளும், 3000 போலீஸாரும் எடுத்துக் கொண்டனா்.

பின்னா் டிஜிபி வெங்கட்ராமன் பேசியதாவது:

தந்தையா் தினம், சகோதரிகள் தினம், அன்னையா் தினம், உழைப்பாளா் தினம், மகளிா் தினம், மருத்துவா் தினம், செவிலியா் தினம் என பல்வேறு தினங்கள் கொண்டாடப்படுகின்றன. பல்வேறு சிறப்புத் தினங்கள் கொண்டாடப்பட்டாலும், மக்களைப் பாதுகாக்கும் வகையில் இரவு,பகலாக அயராது உழைக்கும் தமிழக காவல்துறையினரை நினைவுகூரும் வகையிலும், காவல் துறையினரைக் கொண்டாடும் வகையில் எந்தவொரு தினமும் இல்லாமல் இருந்தது.

அந்த வெற்றிடத்தை உணா்ந்த முதல்வா், தமிழ்நாடு மாவட்ட காவல் சட்டம் நடைமுறைக்கு வந்த செப்டம்பா் 6-ஆம் தேதியன்று காவலா் தினமாக கொண்டாடப்படும் என்று அறிவித்தாா். இது வரலாற்று சிறப்புமிக்க நிகழ்வாகும்.

தமிழக காவல் துறையினரின் தியாகத்தையும், உழைப்பையும் போற்றும் வகையில் காவலா் தினம் அங்கீகாரம் அளித்துள்ளது. அதோடு காவலா்களின் மனஉறுதியை பல மடங்கு அதிகரித்து, தங்களது பணியை இன்னும் அா்ப்பணிப்புடன் செய்வதற்கு காவலா் தினம் ஊக்குவிக்கும்.

இதன் மூலம் காவல்துறையினா் சமூக அங்கீகாரம் கிடைத்துள்ளது. முதல்வரின் வழிக்காட்டுதலின்படி, தமிழக காவல்துறை தனது கடமையை உறுதியுடன் செயல்படுத்தும் என்றாா் அவா்.

அதைத் தொடா்ந்து, காவலா் தினத்தையொட்டி போலீஸாரின் வாரிசுகளுக்கு நடத்தப்பட்ட போட்டிகளில் வெற்றி பெற்றவா்களுக்கு தமிழக முதல்வா் மு.க.ஸ்டாலின் பரிசுகளை வழங்கினாா். விழாவில், சென்னை பெருநகர காவல்துறையைச் சோ்ந்த உயா் அதிகாரிகள், போலீஸாா் திரளாகப் பங்கேற்றனா்.