தோ்தல் அறிவிப்புக்கு முன் இரட்டை இலை சின்ன வழக்கு விசாரணை: உயா்நீதிமன்றத்தில் மனு

இரட்டை இலை சின்னம் தொடா்பான விசாரணையை தமிழக சட்டப்பேரவை தோ்தல் அறிவிப்புக்கு முன்பாக நடத்தி முடிக்க தோ்தல் ஆணையத்துக்கு உத்தரவிடக் கோரி சென்னை உயா்நீதிமன்றத்தில் மனு தாக்கல் செய்யப்பட்டது.

திண்டுக்கல்லைச் சோ்ந்த சூரியமூா்த்தி, வழக்குரைஞா் ராம்குமாா் ஆதித்தன், பெங்களூரு புகழேந்தி உள்ளிட்டோா் அதிமுக உட்கட்சி விவகாரம் மற்றும் இரட்டை இலை சின்னம் தொடா்பாக சென்னை உயா்நீதிமன்றத்தில் வழக்குத் தொடா்ந்தனா்.

இந்த புகாா்கள் மீதான ஆரம்பக்கட்ட விசாரணையை நடத்தி முடிக்க தோ்தல் ஆணையத்துக்கு காலவரம்பு நிா்ணயிக்கக் கோரி அதிமுக பொதுச் செயலா் எடப்பாடி பழனிசாமி தரப்பிலும் சென்னை உயா்நீதிமன்றத்தில் மனு தாக்கல் செய்யப்பட்டது.

இந்த வழக்கில் தோ்தல் ஆணையம் தரப்பில் பதில்மனு தாக்கல் செய்யப்பட்டது. அதில், பிகாா் தோ்தல் காரணமாக வேலைப்பளு இருப்பதால், அதிமுக உள்கட்சி பிரச்னை மற்றும் இரட்டை இலை சின்னம் தொடா்பான விசாரணை தொடா்பாக தோ்தல் ஆணையத்துக்கு கால வரம்பு நிா்ணயம் செய்யக்கூடாது. இயற்கை நீதியின் அடிப்படையில் மனுதாரா்களுக்கு போதிய காலஅவகாசம் வழங்கப்பட வேண்டும். ஆரம்பகட்ட விசாரணை நடத்தி அதன்பிறகே ஒரு முடிவுக்கு வர முடியும் என கூறியிருந்தது.

இந்நிலையில் இரட்டை இலை சின்னம் தொடா்பான விசாரணையை தமிழக சட்டப்பேரவை தோ்தல் அறிவிப்புக்கு முன்பாக நடத்தி முடிக்க தோ்தல் ஆணையத்துக்கு உத்தரவிடக் கோரி திண்டுக்கல்லைச் சோ்ந்த சூரியமூா்த்தி சென்னை உயா்நீதிமன்றத்தில் புதிய மனு ஒன்றை தாக்கல் செய்துள்ளாா்.

அதில், கடந்த 9 மாதங்களுக்கும் மேலாக இந்த விசாரணையில் எந்த முன்னேற்றமும் இல்லை. தோ்தல் அறிவிப்பு வெளியிடப்பட்டு விட்டால் வழக்கு விசாரணை நீா்த்துப்போய் விடும். எனவே வரும் 2026 சட்டப்பேரவை தோ்தல் அறிவிப்புக்கு முன்பாக இந்த பிரச்னைக்கு தீா்வு காண தோ்தல் ஆணையத்துக்கு உத்தரவிட வேண்டும், எனக் கூறியுள்ளாா். இந்த மனு விரைவில் விசாரணைக்கு வரும் என எதிா்பாா்க்கப்படுகிறது.