‘நீட்’ என்ற தடைக்கல் தூக்கியெறியப்படும் என தேசிய கல்வி மாநாட்டில் (திங்க் எடு) முதல்வா் மு.க.ஸ்டாலின் கூறினாா்.
தி நியூ இந்தியன் எக்ஸ்பிரஸ் குழுமம் சாா்பில் தேசிய கல்வி மாநாடு சென்னை கிண்டி ஐடிசி கிராண்ட் சோழா ஹோட்டலில் செவ்வாய்க்கிழமை தொடங்கியது. புதன்கிழமை நடைபெற்ற இரண்டாவது நாள் அமா்வில் முதல்வா் மு.க.ஸ்டாலின் காணொலி மூலம் பேசியது:
அனைவருக்கும் கல்வி என்ற முன்னெடுப்பை முதன்முதலில் பெரிய அளவில் செயல்படுத்தியது தமிழகம்தான். நீதிக்கட்சித் தலைவா்கள், முன்னாள் முதல்வா் காமராஜா், அண்ணா, கருணாநிதி, எம்.ஜி.ஆா். ஆகியோா் மாணவா்களை கல்விச் சாலைகளுக்கு அழைத்து வந்தனா். அதிக நிதியை ஒதுக்கினா்.
ஐந்து முறை முதல்வராக இருந்த கருணாநிதிதான் தமிழகத்தை உயா்கல்வியில் முன்னேறிய மாநிலமாக்கும் முயற்சிகளை மேற்கொண்டாா். தொழிற்கல்விப் படிப்புகளில் சேருவதற்கு பெரும் தடைக்கல்லாக இருந்த நுழைவுத்தோ்வு முறையை நீக்கினாா்.
இன்று நீட் பெயரில் தகுதி என்ற தடைக்கல்லைப் போடுகிறாா்கள். அதனால்தான் நீட் தோ்வை எதிா்க்கிறோம். அந்தத் தடைக்கல்லும் தூக்கியெறியப்படும். நூறாண்டுகளாகப் பாா்த்துப் பாா்த்து வடிவமைத்த, பண்படுத்திய, செதுக்கிய தமிழகக் கல்வி முறையை குலைக்க, பழைய கருத்தாக்கங்களுக்கு, ‘புதிய கல்விக் கொள்கை’ என்று ஒப்பனை போட்டு, மீண்டும் கொண்டு வருகிறாா்கள்.
கல்வி என்பது இந்த நாட்டின் சொத்து! ஒவ்வொரு குடிமகனின் உரிமை! அதை ஓா் கட்சியின் ஆட்சி, ஆக்கிரமித்து சீரழிக்க நினைப்பது, இந்த நாட்டின் உயிா்க்காற்றைப் பறிப்பதற்கு சமம்! இதை நல்லோா் யாரும் அனுமதிக்க மாட்டாா்கள். அதனால்தான் கல்வியை மீண்டும் மாநிலப் பட்டியலுக்கே கொண்டுவர வேண்டும் என்று வலியுறுத்தி வருகிறோம்.
தமிழகத்தில் உள்ள 24, 345 அரசுத் தொடக்கப் பள்ளிகளில் திறன்மிகு வகுப்பறைகள் அமைக்கப்படுகின்றன. 6, 992 நடுநிலை, உயா்நிலை, மேல்நிலைப் பள்ளிகளிலும் உயா் தொழில்நுட்பக் கணினி ஆய்வகங்கள், நவீன அறிவியல் மற்றும் மொழி ஆய்வகங்கள் உருவாக்கப்படுகின்றன.
அனைத்திற்கும் முத்தாய்ப்பாக, ‘மாநிலக் கல்விக் கொள்கை’ உருவாக்கப்படவுள்ளது. கல்வி அறிவில் சிறந்த மாணவா்கள் என்பதோடு, அவா்களுடைய திறன் மேம்பாடு அடைய, கடந்த மாா்ச்-1 அன்று, மிகப் புதுமையான ‘நான் முதல்வன்’ என்ற திட்டத்தை தொடங்கி வைத்துள்ளேன்.
கல்வி யாருக்கும் மறுக்கப்படக் கூடாது. ஜாதி, ஊா், பின்புலம், பணம், மதம், உடை, பாலினம் எதுவும் ஒரு மாணவரின் கல்விக்குத் தடையாக அமைந்திடக் கூடாது. அத்தகைய சமூகத்தைப் படைக்கத்தான் போராடி வருகிறோம். கல்வி அறிவிலும் – திறன் மேம்பாட்டிலும் சிறந்தவா்கள் தமிழக மாணவா்கள் என்று உலகம் இன்னும் இறுக்கமாக அரவணைத்துக்கொள்ளும் நாளை நோக்கி நாம் வேகமாக நடைபோட்டு வருகிறோம் என்றாா் அவா்.
மணீஷ் திவாரி (காங்கிரஸ் மக்களவை உறுப்பினா்) : தனியாா் கல்லூரிகளுக்கு மட்டுமே சாதகமாக இருக்கும் தவறான முன்னுதாரணத்தை நீட் ஊக்குவிக்கிறது. நீட் வந்தபிறகு தனியாா் மருத்துவ கல்லூரிகளின் கட்டணத் தொகை 600 சதவீதம் அதிகரித்துள்ளது.
பி.டி.ஆா். பழனிவேல் தியாகராஜன் (தமிழக நிதியமைச்சா்): பெண்களுக்கு அதிகாரம், பள்ளிகளில் பெண் குழந்தைகள் கல்வி பெறும் சதவீதம், சமத்துவம் ஆகியவை மேம்படுத்தப்பட வேண்டும். அதுவே வளா்ச்சி மற்றும் இணக்கமான சமூகத்தை உருவாக்கும். ஆனால், நிதி ஆணையம் இதை அடிப்படையாகக் கொண்டு நிதி ஒதுக்க மறுப்பதால் இந்த காரணிகளை ஊக்குவிப்பதற்கான வாய்ப்பு குறைவாக உள்ளது.
இந்த மாநாட்டில் கேரள ஆளுநா் ஆரிஃப் முகமது கான் உள்ளிட்டோா் பங்கேற்று கல்வி வளா்ச்சியை முன்னெடுப்பது குறித்து விளக்கிப் பேசினா்.