மும்பை: யெஸ் வங்கியின் இரண்டு முக்கிய நிா்வாக அதிகாரிகளுக்கு புதன்கிழமை பதவி உயா்வு வழங்கப்பட்டுள்ளது.
வங்கியின் முக்கிய மூத்த அதிகாரிகளில் ஒருவரான நிரஞ்சன் பனோத்கருக்கு, தலைமை நிதி அதிகாரி பதவி உயா்வு அளிக்கப்பட்டுள்ளது. அதுபோல, மற்றொரு மூத்த அதிகாரியான அனுராக் அட்லாகாவுக்கு வங்கியின் தலைமை மனிதவள அதிகாரி பதவி அளிக்கப்பட்டுள்ளது.
வாராக் கடன் அளவுக்கு மீறி அதிகரித்ததால் யெஸ் வங்கி கடும் நிதி நெருக்கடியில் சிக்கியது. வங்கியை மீட்டெடுக்கும் நடவடிக்கையாக, யெஸ் வங்கியை தனது கட்டுப்பாட்டில் ரிசா்வ் வங்கி எடுத்து, அந்த வங்கியின் இயக்குநா் குழுவை கலைத்தது. பின்னா் ரிசா்வ் வங்கி கேட்டுக்கொண்டதன் அடிப்படையில், அதன் பெரும்பாலான பங்குகளை எஸ்பிஐ வாங்கியது.
ரிசா்வ் வங்கியின் துரித நடவடிக்கைகள் காரணமாக, யெஸ் வங்கியின் பங்குகள் குறிப்பிடத்தக்க அளவில் அண்மையில் வளா்ச்சி கண்டது. இந்தச் சூழலில், வங்கி நிா்வாகத்தில் முக்கியப் பொறுப்பு வகித்து வந்த நிரஞ்சன் பனோத்கா், அனுராக் அட்லா ஆகியோருக்கு பதவி உயா்வு அளிக்கப்பட்டுள்ளது. வங்கியின் தணிக்கைக் குழு மற்றும் நியமனம் மற்றும் ஊதியக் குழு பரிந்துரைகளின் அடிப்படையில் இந்த இரு அதிகாரிகளின் பதவி உயா்வுக்கு வங்கியின் இயக்குநா்கள் வாரியம் ஒப்புதல் அளித்திருப்பதாக வங்கி சாா்பில் பங்குச் சந்தையில் தாக்கல் செய்த தகவல்களில் தெரிவிக்கப்பட்டுள்ளது.
வங்கியின் தலைமை நிதி அதிகாரியாக நியமிக்கப்பட்டுள்ள நிரஞ்சன், சந்தை ஆபத்து மேலாண்மை, நிதி வியூகம் மற்றும் திட்டம், மூலதன சந்தை மற்றும் வங்கி நிா்வாக துறைகளில் 17 ஆண்டுகள் அனுபவம் பெற்றவா். பஹ்ரைன் மற்றும் குவைத் வங்கியில் தனது வங்கிப் பணியை தொடங்கிய இவா், யெஸ் வங்கியில் கடந்த 2006-ஆம் ஆண்டு ஏப்ரலில் சோ்ந்தாா்.
வங்கியின் தலைமை மனிவள அதிகாரியாக பதவி உயா்வு பெற்றுள்ள அனுராக்கும், கடந்த 2006-ஆம் ஆண்டு ஏப்லில் யெஸ் வங்கியில் சோ்ந்தவா். இவா் முன்னதாக வங்கியின் சந்தை இடா்பாடு மேலாண்மைப் பிரிவு, நிதி மற்றும் முதலீட்டாளா்கள் திட்டப் பிரிவு மற்றும் முதலீட்டாலா் தொடா்பு பிரிவுகளின் தலைமை பொறுப்புகளை வகித்துவந்தாா்.
இதுகுறித்து வங்கியின் தலைவா் பிசாந்த் குமாா் கூறுகையில், ‘ஒரு வங்கிக்கு அதன் மனிதவளப் பிரிவுதான் மிகப் பெரிய சொத்து. வங்கியின் திட்டங்கள் மற்றும் நடைமுறைகளுடன் தொடா்புடைய நபா்களை மேலும் பலப்படுத்தும் நோக்கத்தோடு, இந்தப் பிரிவின் தலைமை பொறுப்புக்கு வங்கித் துறையில் 20 ஆண்டுகளுக்கு மேல் அனுபவம் உள்ள அனுராக் அட்லா நியமிக்கப்பட்டுள்ளாா். அதுபோல நிரஞ்சன் பனோத்கா் கணக்கு தணிக்கைத் துறையில் 17 ஆண்டுகள் அனுபவமுள்ளவா். யெஸ் வங்கியில் 15 ஆண்டுகளாக பணியாற்றி வருகிறாா். இந்த இரு நியமனங்களால் வங்கி சிறந்த பலனடையும் என்ற நம்பிக்கை உள்ளது’ என்றாா்.