Enable Javscript for better performance
More than 100 GB of memory on Android smartphones- Dinamani

சுடச்சுட

    

    ஆண்ட்ராய்டு ஸ்மார்ட்போன்களில் 100ஜிபி-க்கு மேல் நினைவகம்

    By DIN  |   Published on : 08th April 2021 04:36 PM  |   அ+அ அ-   |    |  

    android_smatr_phones

    ஸ்மார்ட்போன்களுக்கான சராசரி நினைவகத் திறன் 100ஜிபியைத் தாண்டியுள்ளது. 

    அதிக திறன் கொண்ட கேமரா மற்றும் பயன்படுத்தப்படும் செயலிகளின் அளவு அதிகரித்ததே ஸ்மார்ட்போன்களின் நினைவகத்திறனை அதிகரிப்பதற்கான தேவையை ஏற்படுத்தியுள்ளது.

    ஐஓஎஸ் இயங்குதளம் மற்றும் ஆண்ட்ராய்டு இயங்குதளம் கொண்ட ஸ்மார்ட்போன்களுக்கு இடையேயான நினைவகத் திறனில் அதிக அளவு வேறுபாடுகள் உள்ளன.

    ஐஓஎஸ் இயங்குதள ஸ்மார்ட்போன்களின் நினைவகம் கடந்த 2020-ம் ஆண்டின் நான்காம் காலாண்டில் 140.9GB-ஆக இருந்தது. ஆனால் இதே காலாண்டில் ஆண்டிராய்டு இயங்குதள ஸ்மார்போன்களின் நினைவகம் 95.7GB-ஆக இருந்தது.

    ஆண்ட்ராய்டு ஸ்மார்ட்போன்களின் நினைவகம் அதிகரித்து வந்துள்ளது இதன் மூலம் வெளிப்படையாகத் தெரிகிறது. 2020-ம் ஆண்டில் ஆண்ட்ராய்டு நினைவக திறன் 20.5% அதிகரித்துள்ளது. இதே காலகட்டத்தில் ஐஓஎஸ் ஸ்மார்ட்போன்களின் நினைவக திறன் 5.6% மட்டுமே அதிகரித்துள்ளது.

    ஐஓஎஸ் இயங்குதளமான ஆப்பிள் நிறுவனம், 2018-ம் ஆண்டு முதல் 512GB நினைவகத்தைக் கொண்டுள்ள ஸ்மார்ட் போன்களை வெளியிட்டுள்ளது. ஆனால் அதன்பிறகு நினைவகத் திறனை விரிவாக்கம் செய்யும் பணிகளை அந்நிறுவனம் மேற்கொள்ளவில்லை.

    ஆனால், மிகப்பெரிய ஆண்ட்ராய்டு இயங்குதளமான சாம்சங், ஸ்மார்ட்போன்களின் நினைவகத் திறனை தொடர்ந்து அதிகரித்து வந்தது. 

    2019-ன் முதல் காலாண்டு முதல் 2020-ன் நான்காம் காலாண்டுவரை ஸ்மார்ட்போன்களின் நினைவகத் திறன் 20.3 சதவிகிதம் அதிகரித்துள்ளது. 2019-ல் 80.7GB-யிலிருந்து 2020-ல் 97.11GB ஆக அதிகரித்துள்ளது. எனினும் ஐஓஎஸ் இயங்குதள ஸ்மார்ட்போன்களின் நினைவகத் திறன் இதேகாலகட்டத்தில் 5.6 சதவிகிதம் மட்டுமே அதிகரித்துள்ளது.

    மேலும், இதேகாலகட்டத்தில் அதிக நினைவகத் திறன் (256GB மற்றும் 512GB) கொண்ட ஐஓஎஸ் இயங்குதள ஸ்மார்ட்போன்களின் விற்பனையும் சரிந்தே காணப்பட்டது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp