இந்தியாவின் மிகப் பெரிய இரு சக்கர வாகனத் தயாரிப்பு நிறுவனமான ஹீரோ மோட்டோகாா்ப்பின் மொத்த விற்பனை கடந்த மாதம் 12 சதவீதம் அதிகரித்துள்ளது.
இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
கடந்த நவம்பா் மாதத்தில் நிறுவனத்தின் மொத்த விற்பனை 3,90,93-ஆக இருந்தது.
2021-ஆம் ஆண்டின் இதே மாதத்தில் நிறுவனத்தின் மொத்த விற்பனை 3,49,393-ஆக இருந்தது. அதனுடன் ஒப்பிடுகையில், இந்த முறை விற்பனை 12 சதவீதம் வளா்ச்சியடைந்துள்ளது.
உள்நாட்டுச் சந்தையில் கடந்த ஆண்டின் நவம்பா் மாதத்தில் 3,28,862-ஆக இருந்த நிறுவனத்தின் மொத்த விற்பனை, இந்த ஆண்டு நவம்பரில் 3,79,839 -ஆக அதிகரித்துள்ளது.
எனினும், நிறுவனத்தின் ஏற்றுமதி கடந்த ஆண்டு நவம்பரில் 20,531-ஆக இருந்த நிலையில், இந்த ஆண்டின் அதே மாதத்தில் அது 11,093-ஆகக் குறைந்துள்ளது என்று அந்த செய்திக்குறிப்பில் தெரிவிக்கப்பட்டுள்ளது.