தகவல் தொழில்நுட்பத் துறை நிறுவனமான விப்ரோ நான்காவது காலாண்டில் ரூ.3,092.5 கோடி நிகர லாபத்தை பதிவு செய்துள்ளது. இது, நிறுவனம் முந்தைய 2020-21-ஆம் நிதியாண்டின் இதே காலாண்டில் ஈட்டிய லாபம் ரூ.2,974.1 கோடியுடன் ஒப்பிடுகையில் 4 சதவீதம் அதிகம்.
நிறுவனத்தின் ஒட்டுமொத்த செயல்பாட்டு வருவாய் ரூ.16,245.4 கோடியிலிருந்து 28 சதவீதம் அதிகரித்து ரூ.20,860 கோடியை எட்டியது.
கடந்த மாா்ச் 31 உடன் நிறைவடைந்த 2021-22-ஆம் நிதியாண்டில் நிறுவனம் ஒட்டுமொத்த அளவில் ரூ.12,232.9 கோடி நிகர லாபத்தை ஈட்டியது. இது, இதற்கு முந்தைய நிதியாண்டில் ஈட்டிய லாபம் ரூ.10,866.2 கோடியுடன் ஒப்பிடுகையில் 12.57 சதவீதம் அதிகம். மேலும், கடந்த நிதியாண்டில் நிறுவனத்தின் முழுமையான செயல்பாட்டின் மூலம் ரூ.79,747.5 கோடி வருவாய் ஈட்டப்பட்டது. இது, 2020-21 நிதியாண்டு வருவாயான ரூ.62,234.4 கோடியுடன் ஒப்பிடும்போது 28 சதவீதம் அதிகமாகும் என விப்ரோ நிறுவனத்தின் நிா்வாக இயக்குநரும், தலைமைச் செயல் அதிகாரியுமான தைரி டெலாபோா்டே வெளியிட்ட அறிக்கையில் தெரிவிக்கப்பட்டுள்ளது.
பங்கு விலை: மும்பை பங்குச் சந்தையில் வெள்ளியன்று நடைபெற்ற வா்த்தகத்தில் விப்ரோ பங்கின் விலை 2.59 சதவீதம் சரிந்து ரூ.509.00-இல் நிலைத்தது.