ரானே என்ஜின் வால்வ் நிறுவனம் கடந்த மாா்ச் மாதத்துடன் நிறைவடைந்த நான்காவது காலாண்டில் செயல்பாட்டின் வாயிலாக ரூ.109.5 கோடி வருவாய் ஈட்டியுள்ளது. இது, நிறுவனம் முந்தைய 2020-21-ஆவது நிதியாண்டில் ஈட்டிய வருவாய் ரூ.98.5 கோடியுடன் ஒப்பிடும்போது 11.2 சதவீதம் அதிகம்.
செலவினம் அதிகரித்ததையடுத்து நிறுவனத்துக்கு கடந்த மாா்ச் காலாண்டில் ரூ.0.01 கோடி நிகர அளவில் இழப்பு ஏற்பட்டது. இருப்பினும், முந்தைய ஆண்டில் காணப்பட்ட நிகர இழப்பான ரூ. 0.5 கோடியுடன் ஒப்பிடுகையில் இது குறைவு.
2021-22 முழு நிதியாண்டில் வருவாய் ரூ.304.9 கோடியிலிருந்து ரூ.385 கோடியாக 26.2 சதவீதம் உயா்ந்துள்ளது. அதேசமயம், நிகர இழப்பானது ரூ.6.1 கோடியிலிருந்து ரூ.11.9 கோடியாக அதிகரித்துள்ளதாக ரானே தெரிவித்துள்ளது.