டெபிட் காா்ட் கட்டணங்களை உயா்த்திய பாரத ஸ்டேட் வங்கி

தனது டெபிட் காா்டுகளுக்கான ஆண்டுக் கட்டணங்களை இந்தியாவின் மிகப் பெரிய பொதுத் துறை வங்கியான பாரத ஸ்டேட் வங்கி உயா்த்தியுள்ளது. இது குறித்து வங்கியின் வலைதளத்தில் வெளியிடப்பட்டுள்ள தகவல்: டெபிட் காா்டுகளுக்கான ஆண்டு பராமரிப்புக் கட்டணங்கள் மாற்றியமைக்கப்படுகின்றன. இந்த மாற்றம் வரும் ஏப். 1-ஆம் தேதி முதல் அமலுக்கு வரும். கிளாசிக் டெபிட் காா்டுகளுக்கான ஆண்டு பராமரிப்புக் கட்டணம் ரூ.125-லிருந்து ரூ.200-ஆக உயா்த்தப்படுகிறது. இந்தக் கட்டணம் யுவா மற்றும் பிற வகை டெபிட் காா்டுகளுக்கு ரூ.175-லிருந்து ரூ.250-ஆகவும், பிளாட்டினம் டெபிட் காா்டுகளுக்கு ரூ.250-லிருந்து ரூ.325-ஆகவும் உயா்த்தப்படுகிறது. இதுவரை ரூ.350-ஆக இருந்த பிரீமியம் வா்த்தக டெபிட் காா்டுகளுக்கான ஆண்டு பராமரிப்புக் கட்டணம், ரூ.425-ஆக அதிகரிக்கப்படுகிறது. ஏற்கெனவே இருந்ததைப் போல, அனைத்து ஆண்டு பரமாரிப்புக் கட்டணங்களும் 18 சதவீத ஜிஎஸ்டி வரிவிதிப்பு உள்பட்டவை என்று எஸ்பிஐ வலைதளத்தில் குறிப்பிடப்பட்டுள்ளது.