இந்தியன் வங்கி நிகர லாபம் 55% அதிகரிப்பு

பொதுத் துறையைச் சோ்ந்த இந்தியன் வங்கியின் நிகர லாபம் கடந்த மாா்ச் காலாண்டில் 55 சதவீதம் உயா்ந்துள்ளது.

இது குறித்து வங்கி வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

கடந்த மாா்ச் 31-ஆம் தேதியுடன் நிறைவடைந்த 2023-24-ஆம் நிதியாண்டின் 4-ஆவது காலாண்டில் வங்கியின் நிகர லாபம் ரூ.2,247 கோடியாக உள்ளது.

இது, முந்தைய 2022-23-ஆம் நிதியாண்டின் மாா்ச் காலாண்டுடன் ஒப்பிடுகையில் 55 சதவீதம் அதிகமாகும். அப்போது வங்கியின் நிகர லாபம் ரூ.1,447 கோடியாக இருந்தது.

முந்தைய நிதியாண்டின் 4-ஆவது காலாண்டில் ரூ.14,238 கோடியாக இருந்த வங்கியின் மொத்த வருவாய் கடந்த நிதியாண்டின் அதே காலாண்டில் ரூ.16,887 கோடியாக அதிகரித்துள்ளது.

மதிப்பீட்டுக் காலாண்டில் வங்கியின் நிகர வட்டி வருவாய் ரூ. 5,508 கோடியிலிருந்து 9 சதவீதம் அதிகரித்து ரூ.6,015 கோடியாக உள்ளது.

2023-24 நிதியாண்டு முழுமைக்கும் வங்கியின் நிகர லாபம் முந்தைய 2022-23-ஆம் நிதியாண்டைவிட (ரூ.5,282 கோடி) 53 சதவீதம் அதிகரித்து ரூ.8,063 கோடியாக உள்ளது. மொத்த வருவாய் ரூ.52,085 கோடியிலிருந்து ரூ.63,482 கோடியாக அதிகரித்துள்ளது.