சொல்கிறார்கள்!

இந்த சினிமா உலகம் விந்தையானது! ஒரு டைரக்டரின் படம் வெற்றி அடைந்தால் இந்தத் துறையிலுள்ள சில முக்கியஸ்தர்கள் வாய் திறக்க மாட்டார்கள் படம் தோல்வி அடைந்தாலோ, படம் அவுட்டாமே? ஆள் அவ்வளவுதானா? என்று கேலி செய்வார்கள்!’ என்கிறார் டைரக்டர் துரை.

***

நாகேஷுக்கு மனோரமா ஜோடியாக வாய்த்தது போல இளைய தலைமுறை காமெனியன்களுக்கு ஏற்ற நகைச்சுவை நடிகை அமையாதது பெரிய குறைதான்! எனக்குப் பொருத்தமான நகைச்சுவை ஜோடியைத் தேடுகிறேன், தேடுகிறேன், தேடிக் கொண்டே இருக்கிறேன்!’ என்கிறார் ஒய்.ஜி.மகேந்திரன்.

**

திருமணத்துக்குப் பிறகு ஹேமமாலினியின் அழகும், கவர்ச்சியும் கூடி இருக்கிறதாம்! ‘ஜோதி’ படத்தில் சற்று மெலிந்து மிக அழகாக இருக்கிறாராம். ‘தார்ட்’ என்ற படத்தில் இளம் பெண்ணாகவும், வயோதிக பெண்மணியாகவும் இரு வேடங்களில் நடித்துள்ள ஹேமமாலினியைப் பற்றிய புதிய செய்தி-விரைவில் அவர் டைரக்டராகப் போகிறார்!

**

பாரதிராஜாவுக்கு முன்னால் பாக்யராஜ் சிகரெட் பிடிப்பதில்லை! சென்னை பிலிம் சேம்பரில் நிகழ்ந்த தயாரிப்பாளர்கள் டைரக்டர்களது அவசரக் கூட்டத்திற்கு இருவரும் வந்திருந்தார்கள்! அப்போது இந்த விஷயத்தைத் தெரிந்து கொள்ள முடிந்தது!