இதோ பதில்!

கே : சிவகுமார், கமலஹாசன் இருவரில் யாரை அதிகம் ரசிக்கத் தோன்றுகிறது?

ப : சிவகுமார் மேக்கப் போட்டுக் கொண்ட பிறகுதான் நடிக்கிறார். கமலஹாசன் நான் பார்க்கும் பொழுதெல்லாம் மேக்கப் இல்லாமலேயே நடிக்க ஆரம்பித்துவிடுகிறார்!

***

கே : இப்போதுள்ள நடிகைகளில் உங்களுக்குப் பிடித்தவர் யார்?

ப : அங்கமுத்து – இன்னும் நடிப்பில் ஆசை வைத்துக் கொண்டு படக் கம்பெனிகளில் ஏறி இறங்கித் திண்டாடி சான்சுக்காக அலையாமல் கெளரவமாக ஒதுங்கிக் கொண்டாரே, அதனால் தான்!

**

கே : கதை, வசனம், டைரக்‌ஷன், நடிப்பு இவற்றில் பாக்கியராஜிடம் தங்களைக் கவர்ந்தது எது?

ப : ஐந்தாவது – எளிமை. ஆறாவது – பொறுமை. ஏழாவது – கல்யாண வலை வீசும் ஒரு நடிகையிடம் இதுவரை சிக்காமை.