இதோ பதில்

அப்துல்ரஜாக், தஞ்சை

கேள்வி – ரஜினிகாந்தை அமுக்க நளினிகாந்தால் முடியுமா?

பதில் – தயவு செய்து இந்த மாதிரியெல்லாம் ஜோக் அடிக்காதீர்கள்!

சிகாமணி, திருச்சி

கேள்வி – நான் உங்களை கேள்வி கேட்பதைவிட, நீங்கள் என்னை ஒரு கேள்வி கேட்டால் என்ன?

பதில் – கேட்கிறேனே! ஒரே போஸ்டு கார்டில் எப்படி சார் மூணு டஜன் கேள்விகளை உங்களால் கேட்க முடிகிறது?

துளசி, அயன்புரம்

கேள்வி – சிவாஜி கணேசன் நடித்து அடுத்து வெளி வர இருக்கும் படம் எது?

பதில் – டாக்டர் பாலகிருஷ்ணனின் ‘சத்தியம்-சுந்தரம்’ கலைஞரின் ‘மாடிவீட்டு ஏழை’ வெளிவருகின்றன!

ராம சுப்பையா, காரைக்குடி

கேள்வி - இளையராஜா எப்படி இருக்கிறார்?

பதில் – இசை உலகில் இன்றும் அவர் தான் ராஜா!

ராமண்ணா, அம்பத்தூர்

கேள்வி – இன்றைய சிறந்த கதாநாயகி நடிகைகளில் சரிதாவும் ஒருவர். ஒப்புக்கொள்கிறீர்களா?

பதில் – ‘சரிதா’ன்!