பணத்தின் மறுபக்கம் : ஆர்.அருண்குமார்

ஆசையால் அலைந்து திரிந்து
அம்பாரமாய் தேக்கி வைத்தீர்கள்.
ஓசையின்றி இருட்டறைக்குள்
ஒளித்துதான் வைத்தீர்கள்.

தேடியலைந்து நடந்து இன்று
தேம்பி அழ வைத்துவிட்டது.
வாடி வதங்கி விட்டோம்,
வாழ்க்கையையும் தொலைத்தோம்.

பீடுநடை போட்டவரெல்லாம்
பித்தாகி அலைவதுதானென்ன?
ஓடு கடைசி வரைக்கும் ஓடென
ஆட வைத்து அலைக்கழிப்பதேன்?

பணத்தின்அருமையை தெரியவைத்து
பண்பையும்,பக்குவத்தையும் தந்தது,
குணமொன்றுதான் வாழ்வென்ற
கொள்கைதான் இன்று வென்றது.