சூரியதாகம்: மணி.கணேசன்

வெளியில் தலைக்காட்ட முடியாத வேதனை
புழுக்கத்தில் கொதித்துக் கொதித்து
அடங்குகிறது வேகும் உடல்
வியர்வைக் குளியலில்
ஊளை நாற்றமடிக்கும் மனித அழுக்குகள்

தப்பிப் பிழைத்து வாழும் 
தேன்சிட்டொன்று தேங்கிய கழிவுநீரில்
முக்கியெடுக்கும் சிறகுகளை.
தண்ணீரின்றித் தவிக்கும் கால்நடைகள்
நதிமேகம் பொழிய வழியின்றி 
நீர் கெட்டிப்பட்டு அலைய...
வெட்டி வீழ்த்தப்பட்ட பெருங்காட்டின்
நடுவே அத்தனைக்கும்
ஆசைப்படும் ஆதியோகிக்குப் 
பெருமழை வேண்டா 
பேராசைக் குணம்!

சுட்டெரிக்கும் சூரிய தாகத்தைத் தணிக்க-
பேருக்கென மரம் வைக்காது
ஆளுக்கொரு செடி வைப்போம்!