சூரிய தாகம்: அதியணன் நரசிங்கம் பாளையம்

குட்டை நீரை குடித்திருந்தும் 
கோர தாகம் தீரவில்லை!
குளத்தின் நீரை குடித்திருந்தும் 
கொஞ்சம் கூட போதவில்லை! 

ஏரி நீரை குடித்திருந்தும் 
எடுத்த தாகம் நீங்கவில்லை !
வாய்க்கால் நீரை குடித்திருந்தும் 
வறண்ட நாவில் ஈரமில்லை !

ஆற்று நீரை குடித்திருந்தும் 
ஆறா  தாகம் சோரவில்லை! 
ஊற்று நீரை குடித்திருந்தும் 
உறுத்தும் தாகம் மாறவில்லை! 

பலர் கண்ணீர் கொடுத்தே பதறுகின்றார்-என்
பாழும் தாகம் இனி தீர்ந்திடாதோ?