கோடை மழை:  H ஹாஜா மொஹினுதீன்

வாய்க்கால் என்பது வரப்பாய் மாற ; 
குட்டையும் குளங்களும் வறட்சியில் ஏங்க ;
ஏரிகளும் ஏக்கங்களில் பார்க்க ;
கடல் நீரோ  ஆவியாய் போகுதே !

வியர்வையின் தாக்கம்  மரங்களையும் வாட்டுதே ; 
சட்டையை கழட்டுவதுபோல் பட்டையை உரிக்கிறதே ;
தாகத்தால்  வாய்பிளந்த வயல்கள் -
அனல் காற்றில் ஆவி பறக்குதே !

கண்ணீரும் வருவதில்லை ;
கவலையில் நான் இருந்தும் !
ஈரப்பசை இல்லாமல் -
இறைஞ்சுகிறேன்  இரு கை  ஏந்தி !

கோடை மழையே  வந்துவிடு !
கோபத்தையும்  குறைத்துவிட்டு !
பாவமான எங்களுக்கும் -
பரிவையும் காட்டிவிட்டு !