கோடை மழை: கமலா பார்த்தசாரதி

வா வாவென
வயல் வெளிகள்
பல்லாயிரம் கைகளால்
வரவேற்று அரவணைக்க 

தா தா எமக்கு
உயிர் நீர் என 
எமதருமை விவசாயிகள்
வானம் பார்த்து நிற்க

வருக வருக வென்று
அனைத்து நீர் நிலைகளும்
வழி மேல் விழிவைத்து
உன் வரவை எதிர்பார்த்திருக்க
உழவருக்கு வரமாய்
மற்றவர்க்கு அருட்கொடையாய்
வறண்ட பூமிக்கு அமுதமாய்
வாராய் நீ கோடை மழையே

மழழையின் இனிமை போல் 
இசையின் இதம் போல் 
இறையின் கருணை போல்
அமுததாரையாய் இறங்கி வாராய்
கோடை மழையே..