வெற்றி முரசு:   H ஹாஜா மொஹினுதீன்

வெற்றி முரசும் கொட்டுவது எப்போ ?
வேதனையும் தீர்வது எப்போ ?
வெளுத்ததெல்லாம் பாலென்று -
வெள்ளேந்தியாய் இருந்துவிட்டாய் !

விழுந்து கிடந்தவனும் ;
வீறுகொண்டு எழவைத்தாய் !
விதி வழி சென்றவனை ;
வீரனாய் நிமிரவைத்தாய் !

வெற்றி முரசே !
கொள்கையெல்லாம் ;  
விண்ணை தொடும்வரை !
கொட்டு முரசே !

சங்கடத்திலும் -
சாதனைகள் தொடர :
சலசலப்புக்கு அஞ்சாமல் ;
கொட்டு முரசே !

உண்மையோடு நீ இருந்தால் ;
உலகமும் உன் பின்னால் வரும் !
உயரிய சிந்தனையோடு ;
கொட்டு முரசே !