புதிய டைரி : கவிஞர் மா.உலகநாதன்

எழுதிப்பாராதவன் வாழ்க்கை 
கழுதை புரண்ட களம்,
எங்கேயோ படித்த வாசகம்;

ஏக்கத்துடன் காத்திருக்கிறது என்முன்னே 
புதிய டைரி .
இவன்,
கற்றதை எழுதுவானா?பெற்றதை எழுதுவானா?
மற்றதைஎழுதுவானா?
ஏக்கத்துடன் காத்திருக்கிறது என்முன்னே 
புதிய டைரி .

நாளின் பதிவுகளை நாள் சென்று பார்க்கும்போது 
நமக்குள்ளே பல உணர்வலைகள்; 
சில பதிவுகள் வரலாறாகும்,
சிலவோ சிலைமேல் எழுத்தாகும்;

புத்தாடை,புது உறவு ,புதுடைரி 
ஆசையெல்லாம் 

ஆண்டுத்துவக்கத்தில் அலைமோதும் !
பூண்டு முடிந்துவிட்டால் புதுவேகம் குறையும்!!