கருவில் தொலைந்த குழந்தை: கவிதா வாணி

காட்டிலும் மேட்டிலும் ரோட்டிலும் 
கடவுளுனைக் காணக் - காத்திருந்தேன்
கண்கள் பூக்க,

கலைந்த கேசத்துடன் குலுக்கும் குவளை யுடன்
கார் கண்ணாடியைத் தொட்டுத் தடவி - 
உதவி கேட்டான் கண் மட்டும் இல்லாத - நண்பனொருவன்

கைப்பையை திறப்பதற்குள்
பச்சை விளக்கு ஒளிர - நான் நிதானிப்பதாய் - 
பின் வரிசை வாகனங்கள்- ஒலி வரிசையில் பிளிர -
நிறுத்தம் தாண்டி - காரை விட்டுத் தொடர்ந்தேன் - 

அவனுக்கு உதவ, 

அவனுக்கு அளித்த சிறு தொகையால் நான்
அகமகிழ்ந்து காருக்கு திரும்ப-
கார் பின் கண்ணாடி உடைந்திருந்தது - கைப்பையும் களவாடப்பட்டு,

நானோ- கருவில் தொலைந்த குழந்தையாய் தெருவில் நின்றிருந்தேன்
செய்வதறியாது .

உன் குத்தமா - என் குத்தமா
யார இங்கு சொல்ல?