யார் இட்ட சாபம்: கவிஞர் பி.மதியழகன்

அமைதியை நாடிச் சென்ற 
நீண்ட நெடியப் பயணம் அது...
அழகுக்கு அங்கே பஞ்சம் இல்லை
துளித் துளியாய்ப் பனித்துளிகள்; 
அதில் நனைந்துச் சிரிக்கும் கொடியிலைகள்...
அதிகாலைப் பொழுதைத் துவங்கும் 
ஆதவனின் ஆயிரம்கோடிச் செங்கரங்கள்; 
இதமான தன் இளம் சூட்டுடன்
பதமாகச் சோலையில் 
படர்ந்து விரிந்துச் செல்ல...
ஆடிவந்த அழகுத் தென்றலின் உரசலில் 
இழைக்கயிறுபோல வளைந்துக் கிடந்த
அந்த நச்சுப்பாம்பும்
உலர்ந்துப் புலர்ந்து எழும்பியே
பாடிவந்த பஞ்சவர்ணக் கிளியிடம்
தன் சுயரூபத்தைக் காட்டியது 
யார் இட்ட சாபமோ?