முதற்பத்து ஆறாம் திருவாய்மொழி - பாடல் 8

கழிமின் தொண்டீர்கள், கழித்துத்
தொழுமின், அவனைத் தொழுதால்
வழிநின்ற வல்வினை மாள்வித்து
அழிவுஇன்றி ஆக்கம் தருமே.

தொண்டர்களே, உலகத்தின் மீது வைத்திருக்கும் பற்றை நீக்குங்கள், எம்பெருமானைத் தொழுது வணங்குங்கள், அவ்வாறு நீங்கள் வணங்கும்போது, உங்களைத் தொடர்ந்து வருகிற வல்வினைகளையெல்லாம் அவன் நீக்குவான், அழிவற்ற செல்வத்தை(மோட்சத்தை)த் தருவான்.