இரண்டாம்பத்து முதல் திருவாய்மொழி - பாடல் 2

கோட்பட்ட சிந்தையாய்க் கூர்வாய அன்றிலே,
சேண்பட்ட யாமங்கள் சேராது இரங்குதியால்,
ஆள்பட்ட எம்மேபோல் நீயும் அரவுஅணையான்
தாள்பட்ட தண்துழாய்த்தாமம் காமுற்றாயே?

கூரான அலகைக்கொண்ட அன்றில்பறவையே, எதையோ எண்ணிக்கொண்டு நீண்ட நள்ளிரவிலும் படுக்கைக்குச் செல்லாமல் வருந்திக் கொண்டிருக்கிறாயே, என்ன ஆயிற்று?

நீயும் எங்களைப்போல் எம்பெருமான் மீது நேசம் கொண்டாயோ? பாம்புப் படுக்கையில் பள்ளிகொள்ளும் பெருமானின் திருவடியில் பொருந்திய குளிர்ச்சியான துளசிமாலை

மீது விருப்பம் கொண்டாயோ? அதனால் உன் தூக்கம் போனதோ?