ஒன்பதாம் பத்து பத்தாம் திருவாய்மொழி - பாடல் 7

பாடல் - 7

மெய்யன் ஆகும் விரும்பித் தொழுவார்க்கு எல்லாம்,
பொய்யன் ஆகும் புறமே தொழுவார்க்கு எல்லாம்,
செய்யில் வாளை உகளும் திருக்கண்ணபுரத்து
ஐயன் ஆகத்து அணைப்பார்கட்கு அணியனே.

தன்னை விரும்பித் தொழுகிற எல்லாருக்கும் உண்மையாகக் காட்சி தருபவன்; வெறுமனே புறத்தோற்றங்களால்மட்டுமே தொழுகிறவர்களுக்குப் பொய்யாகிறவன், தன்னைக் காண்பிக்காமலிருப்பவன். வயலிலே வாளை மீன்கள் துள்ளுகின்ற திருக்கண்ணபுரத்தில் எழுந்தருளியிருக்கும் நம் தலைவனை மனத்தில் நினைத்தால் போதும், அவன் எப்போதும் நம் பக்கத்திலேயே இருப்பான்.