திரைக்கதிர்: ரஷ்யா டு சிந்து சமவெளி!

பரபரப்பை உருவாக்க சர்ச்சைக்குரிய கதைகளை எடுப்பது சினிமாவில் யுக்தியாக கருதப்படுகிறது. இந்த யுக்தியை தனது படங்களில் தொடர்ச்சியாக பயன்படுத்துகிறார் இயக்குநர் சாமி. "உயிர்', "மிருகம்' படங்களில் தகாத உறவை சொல்லி பரபரப்பு உண்டாக்கினார். இப்போது இயக்கியுள்ள "சிந்து சமவெளி' படத்திலும் தகாத உறவைச் சுற்றித்தான் கதையை அமைத்திருக்கிறார்.

""பெரிய பட்ஜெட், பெரிய ஹீரோ, சர்ச்சையை கிளப்பும் கதை இந்த மூன்றும்தான் படத்தின் வெற்றிக்கு அவசியம். இதே பாணியைத்தான் சின்ன சின்ன நடிகர்களை வைத்து அந்தக் காலத்திலேயே இயக்குநர் பாலசந்தர் படமெடுத்தார். மனித உணர்வுகளை வேறுபட்ட களத்தில் சொன்னதால்தான் அவர் வெற்றி பெற்றார். அதனால் அவரது பாணியில் படம் இயக்குகிறேன்.

நான் சர்ச்சைக்குரிய இயக்குநர் அல்ல. மனித வாழ்க்கையில் உள்ள விஷயங்களைத்தான் படமாக்குகிறேன். ரஷ்ய எழுத்தாளர் எழுதிய குறு நாவல் "ஃபர்ஸ்ட் லவ்'. இதை மையமாக வைத்துதான் இந்த கதையை உருவாக்கியிருக்கிறேன்'' என்றார்.