சிம்புவின் நச்சரிப்பு!

தான் இயக்கவிருந்த "கோ' படத்திலிருந்து சிம்புவை நீக்கிவிட்டு அவருக்குப் பதிலாக ஜீவாவை புக் செய்துள்ளார் கே.வி.ஆனந்த். இதில் முன்னாள் முன்னணி நடிகை ராதாவின் மகள் கார்த்திகா கதாநாயகியாக நடிக்கிறார். இந்தப் படத்துக்கான "போட்டோ ஷூட்'டில் ஆர்வமாகப் பங்கேற்ற சிம்பு, திடீரென கதையை மாற்றுங்கள்; தமன்னாவைக் கதாநாயகி ஆக்குங்கள் என நச்சரித்திருக்கிறார்.

ஓரளவுக்குப் பொறுமை காத்த இயக்குநர் "அவ்வளவுதானே; மாற்றிவிடுகிறேன்' எனக் கூறி சிம்புவை மாற்றிவிட்டார். இயக்குநரின் இந்த முடிவுக்கு சினிமா வட்டாரத்தில் நல்ல வரவேற்பும் நடிகர் வட்டாரத்தில் முணுமுணுப்பும் ஏற்பட்டிருக்கிறது. "கோ' படத்தின் பெரும்பகுதி காட்சிகள் முதல்முறையாக சீனாவின் வித்தியாசமான லொக்கேஷன்களில் படமாக்கப்படுகின்றன.