மாஸ்டர் ஸ்ரேயா

சினிமாவுலகைச் சேர்ந்த பலர், அண்மைக்காலமாக ஸ்ரேயாவை "மாஸ்டர்' என்றுதான் அழைக்கிறார்கள். காரணம், ஸ்ரேயா பலருக்கும் யோகா, பிராணாயாமம் கற்றுத் தருவதுதான். இதுகுறித்து ஸ்ரேயாவிடம் கேட்டால்...

""நான் யோகாவை முறைப்படி கற்று சர்டிஃபிகேட் வாங்கியிருக்கிறேன். அதனால் சினிமாவில் உள்ள என்னுடைய நண்பர்களுக்கு யோகா கற்றுத்தருகிறேன். அண்மையில் அகமதாபாத்தில் உள்ள ஒரு கல்லூரியில் யோகா பற்றி இரண்டு நாள்கள் வகுப்பு எடுத்தேன். அதனால் என்னைப் பலரும் மாஸ்டர் என அழைக்கத் தொடங்கிவிட்டார்கள். அதில் எனக்கு மிகுந்த சந்தோஷம். ஏனென்றால் டீச்சர் ஆக வேண்டும் என்பதுதான் என் சிறு வயது கனவு. அது ஓரளவுக்கு நிறைவேறியிருக்கிறது. ஒரு படத்தில் முழுக்க முழுக்க டீச்சராக நடித்து என்னுடைய கனவை முழுமையாக நிறைவேற்றிக்கொள்ள வேண்டும்'' என்கிறார்.