பாடகி லதா ரஜினிகாந்த்

சரிகம இண்டியா லிட்., நிறுவனம் "நிலா நிலா ஓடி வா...' என்ற பெயரில் குழந்தைகளுக்கான அனிமேஷன் ஆடியோ, வீடியோ குறுந்தகடு ஒன்றை வெளியிட்டுள்ளது. "நிலா நிலா ஓடி வா', "அம்மா இங்கே வா வா', "காக்கா காக்கா', "குள்ள குள்ள வாத்து' உள்பட சுமார் 29 நாட்டுப்புறப் பாடல்கள் இந்த குறுந்தகடில் இடம்பெற்றுள்ளன. எல்லாப் பாடல்களையும் லதா ரஜினிகாந்த் தனது சொந்தக் குரலில் குழந்தைகளுக்கு ஏற்றவாறு பாடியுள்ளார். இந்த சி.டி.யில் பரந்து விரிந்த புல்வெளிகள், ஆறுகள், துள்ளிக் குதிக்கும் மீன்கள், தவளைகள், பறவைகள், சூரியன், நிலவு போன்ற பலவும் அனிமேஷனில் அழகுற வடிவமைக்கப்பட்டுள்ளன. குழந்தைகளைச் சிந்திக்கவும் சிரிக்கவும் செய்யும் இந்த நன்னெறிப் பாடல்களுக்குச் செல்வகுமார் இசையமைத்துள்ளார்.