சிரி... சிரி...

'புறமுதுகிட்டு ஓடி வந்ததுக்கு சக்சஸ் மீட் தேவையா, மன்னா?'

'முதுகில் சிறு கீறல் கூட விழவில்லை, அமைச்சரே!'



'டாக்டர்! உங்க நாய் என்னைக் கடிக்க வருது!'

'சீட்டுல போட்டிருக்கிற மெடிக்கலை விட்டு வேற கடைக்கு ஏன் போறீங்க!'

-அ.ரியாஸ், சேலம்.



'புது நம்பர்லேர்ந்து கால் வந்தால் நான் எடுக்கவே மாட்டேன்!'

'ஏன், அப்படி?'

'கடன்காரனுங்க வேற வேற நம்பர்லேர்ந்து டிரை பண்ணுவானுங்க!'



'டாக்டர், என் மனைவிக்கு நீங்க சொன்ன பத்திய சாப்பாட்டையே நானும் சாப்பிடுறேன்!'

'தாம்'பத்தியம்'னா இதுதாங்க!'



'ஐம்பது கிலோ வெய்ட்டைக் கூட தூக்கிட்டு நடக்க முடியலை, டாக்டர்!'

'வெய்ட்டை இறக்கி வச்சிட்டு நடக்க முடியிதுல்ல?'

'பாடி வெய்ட்டை எப்படி டாக்டர் இறக்கி வைக்க முடியும்?'



'நாக்குல முள் குத்துன மாதிரி வலிக்குதா... என்ன சாப்பிட்டீங்க?'

'உப்புமா டாக்டர்!'

'அடடா... 'ஊசி'ப்போன உப்புமாவா?!'



'நண்பர்களோடு ஹோட்டலுக்குப் போனப்ப... சாப்பிடுறதுக்கு முன்னாடியே சர்வருக்கு இருபது ரூபாய் டிப்ஸ் கொடுத்தீயே, ஏன்?'

'இல்லாட்டி பில்லை நம்ம கையில கொடுத்துட்டுப் போயிருப்பாரே!'



'போரில் தோற்றுவிடுவதாக கனாக் கண்டேன் சோதிடரே?'

'கனவில்கூட தோல்வி தானா மன்னா?!'



'பூரி ஏன் சப்பையா இருக்கு?'

'நேற்று வரைக்கும் உப்பலாத்தான் இருந்துச்சு, சார்!'

- வி.ரேவதி, தஞ்சை.

'எதிர்த்தவீட்டுப் பொண்ணு கணக்குப் பாடத்துல 99 மார்க் வாங்கி இருக்காங்க!'

'மீதி ஒரு மார்க் என்ன ஆச்சு?'

'அதை நம்ம பையன் வாங்கி இருக்கான்!'



'எந்த வாகனமா இருந்தாலும் கண்டிப்பாக லைசன்ஸ் எடுக்கணும்!'

'என் பெயர் மயில்வாகனம்... நான் லைசென்ஸ் எடுக்கணுமா, சார்?'

-நடேஷ் கன்னா



'அந்த கால்நடை டாக்டர்கிட்ட மட்டும் ஏன்

அவ்வளவு கூட்டம் வருது?'

'அவரு நாய் வாலைகூட நிமிர்த்துவாராம்!'



'டாக்டர்கிட்ட வேலைக்குப் போனது தப்பாப்போச்சு!'

'ஏன்?'

'லீவு கேட்டா 'டோஸ்' கொடுக்கறாரு!'

-தீபிகா சாரதி, சென்னை -5.



'கல்யாண வீட்டுக்காரங்க ரொம்ப ஸ்ட்ரிக்ட்னு ஏன் சொல்றே?'

'மொய் வைக்காதவர்கள் இலையில் கை வைக்கக் கூடாதுன்னு மைக்ல சொல்றாங்களே!'



'போர் முடியப் போகிறது என்று எதை வைத்துச் சொல்கிறாய்?'

'கூகுள் மேப்பில் புறமுதுகுப் பாதையைத் தேடுங்கள் என்று தளபதிக்கு மன்னர் உத்தரவிடுகிறாரே!'

-பேகம்பூர் ஷம்மு,

திண்டுக்கல்.



'என்ன சிஸ்டர்... ஸ்பெஷல் வார்டுன்னு சொன்னீங்க, கொசு கடிக்குதே?'

'சாதா வார்டுல எலி கடிக்கும், சார்!'

-பர்வீன் யூனுஸ், சென்னை.

'பரோட்டோ மாஸ்டர் வேலை பார்த்த அனுபவம் இருக்கா?'

'பிசியோ தெரபிஸ்டா வேலை பார்த்த அனுபவம் இருக்கு, சார்!'

-க.நாகமுத்து, திண்டுக்கல்.