சமையல் டிப்ஸ்

சேனைக்கிழங்கை வேக வைக்கும் முன்  வெறும் பாத்திரத்தை அடுப்பில் வைத்து சிறிது உப்புப் போட்டு வெடிக்கும் வரை வறுக்கவும். பிறகு நீர் ஊற்றி கொதி வந்ததும் கிழங்கைப் போடவும். விரைவில் பதமாக வெந்து பக்குவமாகவும், சுவையாகவும் இருக்கும். 

கொத்துமல்லி, கறிவேப்பிலை, வெந்தயக்கீரை வகைகளை உடனே ஆய்ந்து காற்று வெளிச்சத்தில் பிளாஸ்டிக் டப்பாவில் போட்டு வைத்தால் ஒரு வாரமானாலும் கெடாமல் இருக்கும்.

தேங்காய் சாதம், எலுமிச்சை சாதம் போன்ற கலந்த சாதங்கள் செய்யும் போது பொட்டுக்கடலையை நன்கு வறுத்து போட்டு கிளறினால் மிகவும் சுவையாக இருக்கும்.

காரம் சேர்த்து செய்யும் பலகாரங்களுக்கு காரப்பொடி போடாமல், பச்சை மிளகாய் மற்றும் காய்ந்த மிளகாய் உடன் சிறிது தண்ணீர்ச் சேர்த்து அரைத்து, வடிகட்டி, அந்த தண்ணீரைப் பயன்படுத்தினால் பலகாரங்கள் சுவையாகவும், நல்ல நிறமாகவும் இருக்கும்.

கேரட்டை மெலிதாக சீவி, தக்காளியுடன் லேசாக வதக்கி, உப்பு போட்டு சாதத்துடன் கலந்து குழந்தைகளுக்கு கொடுத்து அனுப்பினால் சத்தான, கலர்ஃபுல் சாதம் தயார்.

சுக்குப்பொடியுடன் வெல்லம், தேன் இரண்டையும் சேர்த்து நன்கு கலந்து சிறுசிறு உருண்டைகளாக பிடித்து சாப்பிடலாம். சுவையாக இருப்பதோடு, சுக்கு ஜீரண சக்திக்கு நல்லது.

கீரை, வெண்டைக்காய், வேக வைக்கும் போது பாத்திரத்தை சிறிது திறந்து வைத்தால் காயின் பசுமை நிறம் மாறாமல் இருக்கும்.