தீபாவளியே வாவா - எங்கள்
தித்திக்கும் அன்பினைக் கூட்டவா
கோபுரம் போல உயர்ந்திடவே - எங்கும்
குலவும் நலத்தினைக் கூட்டவா!
மத்தாப்புப் போலவே ஒளிபெற்று - மக்கள்
மண்ணில் மகிழ்ந்திட வாவா
சொத்து சுகங்களைக் கொண்டுவா - வீட்டில்
சுற்றமும் நட்பும் மகிழவா!
புதிய ஆடை அணிந்தின்று - மகிழ்வு
பூத்திட உடனே ஓடிவா
விதவித மான உணவுகள் - செய்து
வீட்டை இன்பமாய் ஆக்கவா!
தீபாவளி நல்ல தீபாவளி - நாட்டில்
தித்திக்கும் திருவிழா தீபாவளி
ஆவலோடு ஏற்றிடுவோம் - தீபம்
அணையா திருக்கக் காத்திடுவோம்!
தீபாவளியே வாவா - எங்கள்
தித்திக்கும் அன்பினைக் கூட்டவா
கோபுரம் போல உயர்ந்திடவே - எங்கும்
குலவும் நலத்தினைக் கூட்டவா!