துபாயில் மிகப்பிரம்மாண்டமாக கட்டி முடிக்கப்பட்டுள்ள "ராயல் அட்லாண்டிஸ் 2" ஹோட்டலின் கண்கவரும் காட்சிகள் காண்போரை பிரம்மிக்க வைக்கின்றன.
துபாயிலுள்ள செயற்கை தீவான பாம் ஜுமைரா பகுதியில் சுமார் 9 ஆயிரம் கோடி ரூபாய் செலவில் கட்டப்பட்டுள்ள இந்த ஹோட்டல், அடுத்த ஆண்டு திறக்கப்பட உள்ளதால் கூடுதல் மெருகூட்டும் பணிகள் முழுவீச்சில் நடைபெற்று வருகின்றன.
தனித்துவமான வடிவமைப்புக்காக ஏற்கனவே பல விருதுகளை பெற்றுள்ள இந்த கட்டிடத்தின் ஒரு பாதி சொகுசு ஹோட்டலாகவும், மற்றொரு பாதி சொகுசு குடியிருப்புகளாகவும் கட்டப்பட்டுள்ளது.
ஹோட்டலாக இருக்கும் ஒரு பாதியில் 43 தளங்களில் 795 அறைகளும், உணவகங்கள், பார்கள் உள்ளிட்டவையும் இடம்பெற்றுள்ளன.
மற்றொரு பாதியில் 2 முதல் 5 படுக்கையறைகளுடன் கூடிய 231 குடியிருப்புகள் உள்ளன. அதில் பெரும்பாலானவற்றில் தனித்தனி மொட்டை மாடிகள், நீச்சல் குளங்கள், மாடித் தோட்டங்களும் அமைக்கப்பட்டுள்ளன. இந்த குடியிருப்புகளின் விலை இந்திய மதிப்பில் 14 கோடி ரூபாய் முதல் தொடங்குகிறது.