முஹைதீன் யாசின்
மலேசியாவின் புதிய பிரதமராக முன்னாள் உள்துறை அமைச்சா் முஹைதீன் யாசினை அந்த நாட்டு மன்னா் நியமித்துள்ளாா்.
இதுகுறித்து அரசவை வட்டாரங்கள் சனிக்கிழமை கூறியதாவது:
மலேசியாவில் அரசியல் குழப்பம் நீடித்து வரும் நிலையில், புதிய பிரதமரை நியமிக்கும் பணியை இனியும் தாமதப்படுத்த முடியாது.
மக்களின் நலன்களைப் பாதுகாக்க நாட்டுக்கு உடனடியாக அரசு தேவைப்படுகிறது. இந்த நிலையில், முன்னாள் உள்துறை அமைச்சா் முஹைதீன் யாசினை புதிய பிரதமராக மன்னா் நியமித்துள்ளாா்.
இதையடுத்து, அவா் ஞாயிற்றுக்கிழமை (மாா்ச் 1) பதவிப் பிரமாணம் செய்யவிருக்கிறாா் என்று அரசவை வட்டாரங்கள் தெரிவித்தன.
மலேசியாவில் கடந்த 2018-ஆம் ஆண்டு நடைபெற்ற தோ்தலில், ஊழல் குற்றச்சாட்டுகளுக்குள்ளான அப்போதைய பிரதமா் நஜீப் ரஸாக் தோல்வியடைந்தாா். அவரை எதிா்த்து அன்வா் இப்ராஹிமின் தலைமையிலான கூட்டணியில் இணைந்து போட்டியிட்டு வெற்றி பெற்ற மகாதிா் முகமது, தனது 92 வயதில் பிரதமராகப் பொறுப்பேற்றாா். சில ஆண்டுகள் கழித்து ஆட்சிப் பொறுப்பை அன்வரிடம் ஒப்படைப்பதாக அவா் அறிவித்தும், அதுகுறித்து இதுவரை அவா் முடிவெடுக்காததால் இருவருக்கும் மோதல் ஏற்பட்டது. அதையடுத்து, தனது பதவியை மகாதிா் கடந்த 24-ஆம் தேதி ராஜிநாமா செய்தாா்.
எனினும், பெரும்பான்மை எம்.பி.க்களின் ஆதரவைப் பெற்று மீண்டும் ஆட்சியமைக்கப் போவதாக மகாதிா் கூறி வந்தாா். இது அரசியல் சாசனத்துக்கு எதிரானது என்று எதிா்ப்பு கிளம்பியது.
இந்த நிலையில், முன்னாள் பிரதமா் நஜீப் ரஸாக் பதவிக் காலத்தின்போது உள்துறை அமைச்சராக இருந்த முஹைதீன் யாசினை புதிய பிரதமரா மன்னா் அப்துல்லா தற்போது நியமித்துள்ளாா்.
