புது தில்லி: உலகளவில் கரோனா பாதித்தவர்களின் எண்ணிக்கை 60 லட்சத்தை எட்டியுள்ளது. பலியானோரின் எண்ணிக்கை 3 லட்சத்து 66 ஆயிரமாக உள்ளது.
கரோனா பாதித்து உயிரிழப்போரை அதிகம் கொண்ட நாடுகளின் பட்டியலில் அமெரிக்கா முதல் இடத்தில் உள்ளது. இங்கு கரோனா பாதித்து இதுவரை 1 லட்சத்து 4 ஆயிரம் பேர் பலியாகியுள்ளனர்.
அடுத்த இடத்தில் பிரிட்டன் (38,161), இத்தாலி (33,229), பிரான்ஸ் (28,714), பிரேசில் (27,944), ஸ்பெயின் (27,121) ஆகியவை அடுத்தடுத்த இடங்களில் உள்ளன.
இந்தியா சனிக்கிழமை காலை நிலவரப்படி கரோனா பாதித்தவர்களின் எண்ணிக்கை 1 லட்சத்து 73 ஆயிரமாக உள்ளது. அதே சமயம், பலி எண்ணிக்கை 4,980 ஆக உள்ளது. இதனால் உலகளவில் பலி எண்ணிக்கையில் இந்தியா 13வது இடத்தில் உள்ளது.