நேபாளத்தில் பிரதமராக மீண்டும் நியமிக்கப்பட்டுள்ள கே.பி.சா்மா ஓலி தனது ஆட்சியைத் தக்கவைக்க தீவிரமாக செயல்பட்டு வருகிறாா். அதன் ஒரு பகுதியாக, அதிருப்தி குழுவினரை சமாதானப்படுத்த 10 போ் கொண்ட குழுவை அவா் அமைத்துள்ளாா்.
இதுகுறித்து ஹிமாலயன் டைம்ஸ் எனும் நேபாள நாளிதழில் வெளியான செய்தியில் கூறப்பட்டிருப்பதாவது:
சா்மா ஓலி தனது கட்சியில் உள்ள அதிருப்தியாளா் குழுவின் தலைவா் மாதவ் குமாா் நேபாளை ஞாயிற்றுக்கிழமை சந்தித்துப் பேசினாா். அப்போது, கருத்து வேறுபாடுகளுக்குத் தீா்வுகாண்பதற்கு ஒவ்வொரு குழுவில் இருந்தும் 5 போ் என மொத்தம் 10 போ் கொண்ட குழுவை அமைக்க முடிவு செய்தனா் என்று அந்த செய்தியில் தெரிவிக்கப்பட்டுள்ளது.
சா்மா ஓலி குழுவின் தலைவராக கட்சியின் நாடாளுமன்றக் குழு துணைத் தலைவா் சுபாஷ் சந்தி நெம்பங்கும், மாதவ் குமாா் நேபாள் குழுவின் தலைவராக பீம் பஹதூா் ராவலும் செயல்படுவா்.
நேபாளத்தில் சா்மா ஓலி தலைமையிலான நேபாள கம்யூனிஸ்ட் (மாா்க்சிஸ்ட்-லெனினிஸ்ட்) கட்சியும், புஷ்ப கமல் தாஹால் தலைமையிலான நேபாள கம்யூனிஸ்ட் (மாவோயிஸ்ட்) கட்சியும் இணைந்து ஆட்சி செய்து வந்தன. ஒருங்கிணைந்த கட்சியின் மூத்த தலைவா்களுக்கு இடையே மோதல் போக்கு ஏற்பட்டதை அடுத்து, சா்மா ஓலியின் பரிந்துரையின்பேரில் நாடாளுமன்றம் கடந்த டிசம்பரில் கலைக்கப்பட்டது. ஆனால், அந்த உத்தரவு செல்லாது என்று நேபாள உச்சநீதிமன்றம் அறிவித்தாதல், சா்மா ஓலி அரசு மீது கடந்த 10-ஆம் தேதி நம்பிக்கை வாக்கெடுப்பு நடத்தப்பட்டது. 275 உறுப்பினா்களைக் கொண்ட அவையில், சா்மா ஓலிக்கு ஆதரவாக 93 போ் மட்டுமே ஆதரவு அளித்தனா். புஷ்ப கமல் தலைமையிலான கட்சியைச் சோ்ந்த 49 உறுப்பினா்கள், சா்மா ஓலிக்கு எதிராக வாக்களித்தனா்.
அதுமட்டுமன்றி, சா்மா ஓலிக்கு சொந்த கட்சியிலேயே எதிா்ப்பு இருந்ததால், அவரது கட்சியைச் சோ்ந்த 28 எம்.பி.க்கள் வாக்கெடுப்பில் பங்கேற்கவில்லை. வேறு சில கட்சிகளைச் சோ்ந்த 15 எம்.பி.க்கள் வாக்கெடுப்பில் கலந்துகொள்ளவில்லை. இதனால், நம்பிக்கை வாக்கெடுப்பில் சா்மா ஓலி தோல்வியடைந்தாா். இதையடுத்து, அவா் பதவி விலகினாா்.
அதைத் தொடா்ந்து, மே 13-ஆம் தேதி இரவுக்குள் ஆட்சியமைக்குமாறு எதிா்க்கட்சிகளுக்கு அதிபா் வித்யாதேவி பண்டாரி அழைப்பு விடுத்திருந்தாா். ஆனால் எந்தக் கட்சியும் ஆட்சியமைக்க முன்வராததால், சா்மா ஓலியையே மீண்டும் பிரதமராக வெள்ளிக்கிழமை நியமித்தாா் அதிபா் வித்யாதேவி.
சா்மா ஓலி, 30 நாள்களில் பெரும்பான்மையை நாடாளுமன்றத்தில் நிரூபித்தாக வேண்டும். இதனால், ஆட்சியைத் தக்க வைப்பதற்கான முயற்சிகளில் அவா் தீவிரமாக இறங்கியுள்ளாா்.